සතොස ආයතනයේ සේවකයින් ඔවුන්ගේ නීත්‍යානුකූල රාජකාරිවලින් ඉවත් කර දේශපාලන කටයුතු වල යෙදවීම තුළින් රජයට පාඩුවක් සිදු කළේ යැයි චෝදනා කරමින් හිටපු අමාත්‍ය ජොන්ස්ටන් ප්‍රනාන්දු මහතා ඇතුළු විත්තිකරුවන් තිදෙනකුට එරෙහිව අල්ලස් කොමිසම විසින් ගොනු කර ඇති නඩුවකට අදාළව අධිචෝදනා භාරදීම සඳහා කොළඹ මහාධිකරණය විසින් අද සිතාසි නිකුත් කර ඇත. ඒ අනුව ඔවුන් ලබන මස 4 වැනිදා අධිකරණය හමුවේ පෙනී සිටිය යුතුය.
