ඇමරිකාවෙන් ශී‍්‍ර ලංකාවට ඩොලර් මිලියන 2.5 ක හදිසි ආධාරයක්

380

ඇමරිකා එක්සත් ජනපදය විසින් ශී‍්‍ර ලංකාවට හදිසි කොවිඞ් – 19 ආධාර වශයෙන් අමතර ඩොලර් මිලියන 2.5 මුදලක් ලබා දීමට තීරණය කර ඇති බව මෙරට ඇමරිකානු තානාපති කාර්යාලය සඳහන් කරයි.

ඒ අනුව ජාත්‍යන්තර සංවර්ධනය සඳහා වන එක්සත් ජාතීන්ගේ නියෝජිතායතනය හරහා මෙම අමතර මුදල ලබා දෙන බව ශී‍්‍ර ලංකාව සහ මාලදිවයින සඳහා එක්සත් ජාතීන්ගේ නියෝජිත ආයතනයේ අධ්‍යක්‍ෂ රීඞ් ඈෂ්ලිමන් මහතා සඳහන් කරයි.

මෙම මුදල් පරිත්‍යාගය ශී‍්‍ර ලංකාවේ ඔක්සිජන් පරිසර පද්ධතිය ශක්තිමත් කිරීමටත්, සෞඛ්‍ය සේවා ආයතන තුළ ආසාදනය පාලනය සඳහාත් පුද්ගල රක්ෂණ උපකරණ කට්ටල ලබා දීමටත්, සෞඛ්‍ය සේවකයින් සඳහාත් උපකාරයක් වනු ඇති බව ඇමරිකානු තානාපති කාර්යාලය පවසයි.

එසේම එන්නත් බෙදාහැරීම සම්බන්ධීකරණය කිරීමටත්, ෆයිසර් එන්නත ගබඩාකරණය හා ශීතාගාර පහසුකම් ලබාදීමත් සහ එන්නත්කරණය සිදුකිරීම සඳහා කාර්ය මණ්ඩලයට අවශ්‍ය පහසුකම් සපයා ගැනීම සඳහාත් මෙම කොවිඞ් ආධාර මුදල යොදාගනු ඇති බව ද එම තානාපති කාර්යාලය වැඩිදුරටත් සඳහන් කරයි.

 අරුණ බෝගහවත්ත

advertistmentadvertistment