මෙරට මුහුදු සීමාවට අනවසරයෙන් ඇතුළුවූ ඉන්දියානු ධීවරයන් විසින් සිය දැල් ආම්පන්න විනාශ කළ බවට යාපනය ධීවරයෝ චෝදනා කර සිටිති.
ඒ අනුව ඔවුන් පෙන්වා දෙන්නේ මෙරට මුහුදු සීමාවට ඉකුත් 28 දා ඇතුළුවු ඉන්දියානු ධීවරයන් මුහුදේදී තම දැල් ආම්පන්න කපා විනාශ කළ බවයි. ඒ සඳහා ඉන්දියානු ධීවර යාත්‍රා සිය ගණනක් පැමිණි බවද ඔවුහු පෙන්වා දෙති. මේ හේතුවෙන් ලක්ෂ ගණනක් වටිනා දැල් අහිමිවූ බවට ධීවරයෝ මැසිවිලි නගිති. තවද ඇතැම් ධීවරයන්ට තම රැකියාව සිකරගෙන යෑමට පවා දැල් ආම්පන්න නොමැති බව ඔවුහු පවසති.
මුලතිව් – ප්‍රසන්න ප්‍රදීප්
