ආසියානු ක්‍රිකට් ශූරතා තරගාවලිය සඳහා සහභාගී වීම පිණිස ඉන්දීය ක්‍රිකට් කණ්ඩායම ඊයේ (30 වැනිදා ) දහවල් දිවයිනට පැමිණියේය.
ඔවුන් 08/30 දින පස්වරු 12.45 ට ඉන්දියාවේ බැංගලෝර් සිට ස්පයිස් ජෙට් ගුවන් සේවයට අයත් විශේෂ ගුවන් යානයක් වූ එස්.ජී.- 9045 දරන ගුවන් යානයෙන් කටුනායක ගුවන්තොටුපොළ වෙත පැමිණ තිබුණි.
ඔවුන් වෙනුවෙන් දැඩි ආරක්ෂක වැඩපිළිවෙළක් කටුනායක ගුවන්තොටුපළ තුළ සහ ඉන් පිටත ක්‍රියාත්මක කර තිබුණි.
දිවා ආහාරය ගැනීමෙන් පසුව ඔවුන් මහනුවර බලා පිටත්ව ගිය අතර ඔවුන් සහභාගී වන පළමු තරගය ලබන 02දා මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පාකිස්තාන කණ්ඩායම සමග පැවැත්වීමට නියමිතය.
කටුනායක – ටී. කේ. ජී. කපිල
