ශ්රී ලංකා ක්රිකට් කණ්ඩායමේ පිතිකරණ පුහුණුකරු ලෙස හිටපු එංගලන්ත පිතිකරු ඉයන් බෙල් පත්කර තිබේ.
ඔහු ලබන 16 වැනිදා සිට ශ්රී ලංකා කණ්ඩායම සමග කටයුතු කිරීමට පටන් ගන්නා අතර, ටෙස්ට් තරග තුනකින් සමන්විත එංගලන්ත තරගාවලිය අවසන් වන තෙක් ඔහු කණ්ඩායම සමග රැඳී සිටිනු ඇත.
ටෙස්ට් ශතක 22ක් ලබාගැනීමට සමත්ව ඇති ඉයන් බෙල් එංගලන්තය වෙනුවෙන් ටෙස්ට් තරග 118කට ක්රීඩාකර ලකුණු 7727ක් ලබාගෙන ඇත.
මේ සම්බන්ධයෙන් ශ්රී ලංකා ක්රිකට් ආයතනයේ ප්රධාන විධායක නිලධාරී ඈෂ්ලි ද සිල්වා සඳහන් කර ඇත්තේ “අපි ඉයන්ව පත් කළේ ක්රීඩකයන්ට රටේ තණ තිලි පිළිබඳ ප්රධාන අවබෝධයක් ලබාදීම සඳහා දේශීය දැනුමක් ඇති පුද්ගලයකු අවශ්ය නිසා. ඉයන්ට එංගලන්තයේ ක්රීඩා කර අත්දැකීම් රාශියක් තිබෙනවා. ඔහුගේ දායකත්වය මෙම තීරණාත්මක සංචාරයේදී අපගේ කණ්ඩායමට ඉවහල් වනු ඇතැයි අපි විශ්වාස කරනවා”යැයි ඔහු වැඩිදුරටත් පැවසා ඇත.
