උතුරු මැද ආණ්ඩුකාර හිරකළ රැකියා විරහිත උපාධිධාරීහු අත්අඩංගුවේ

330

මහජන දිනය පැවති ඊයේ (6දා) උතුරු මැද පළාත් ආණ්ඩුකාර මහීපාල හේරත් මහතා ඇතුළු පලාත් සභා නිලධාරීන් හා කාර්ය මණ්ඩලය පළාත් සභා ගොඩනැගිලි පරිශ්‍රය තුල සිර කර දමමින්, එහි පිට වීමේ හා ඇතුල්වීමේ දොරටුව අවහිර කරමින්, උද්ඝෝෂණයේ නිරත වූ රැකියා විරහිත උපාධිධාරීහු 22ක් පොලිසිය අත්අඩංගුවට ගත්හ.

අත්අඩංගුවට ගත් පිරිස අතර සමස්ත ලංකා ඒකාබද්ධ රැකියා විරහිත උපාධිධාරී සංගමයේ හිටපු කැඳවුම්කරු ධම්මික මුණසිංහ ඇතුළු පිරිමි පුද්ගලයන් 11ක් සහ කාන්තා සාමාජිකාවන් 11 සිටි අතර එම පිරිස අනුරාධපුර මහේස්ත්‍රාත් අධිකරණයට ඉදිරිපත් කිරීමට නියමිතව සිටියහ.

අත්අඩංගුවට ගැනීමට පෙර උද්ඝෝෂණයේ නිරත වූ පිරිස් පැවසුවේ, පොළොන්නරුව වැලිකන්ද වැනි දුෂ්කර ප්‍රදේශවල සිට කුඩා ළමයින් සමග කුස ගින්නේ පිරිස් මෙම ස්ථානයට පැමිණ සිටින බවත්, උතුරු මැද පළාතේ ඇති පුරප්පාඩු වලටත් වඩා අඩු, රැකියා විරහිත උපාධිධාරීන් පිරිසක් පලාත තුල සිටින බැවින් ඔවුන්ට රැකියා ලබා දීමට ක්‍රියා නොකරන්නේ මන්දැයි ඔවුහු මෙහිදී ප්‍රශ්න කර සිටියහ.

advertistmentadvertistment
advertistmentadvertistment