සංචාරක ශ්රී ලංකා කණ්ඩායම සහ එංගලන්තය අතර පැවැත්වීමට නියමිත ටෙස්ට් ක්රිකට් තරගාවලිය සඳහා නම් කළ එංගලන්ත කණ්ඩායම් නායක බෙන් ස්ට්රොක්ට තරගාවලියෙන් ඉවත්වීමට සිදුව තිබේ.
මේ දිනවල එංගලන්තයේ ක්රියාත්මක වන The Hundred ක්රිකට් තරගාවලියේ Northern Superchargers සහ Manchester Originals කණ්ඩායම් අතර පසුගිය ඉරිදා (11දා) පැවැති තරගය අතරතුර ස්ට්රොක් පාදයේ ආබාධයකට ලක්විය.
මෙම ආබාධය නිසා ඔහුට ශ්රී ලංකාව සමග පැවැත්වීමට නියමිත තරග තුනකින් සමන්විත සමස්ත ටෙස්ට් තරගාවලියම අහිමි වනු ඇති බවට වාර්තා වේ.
ඒ අනුව මෙම තරගාවලියේ දී එංගලන්ත කණ්ඩායම මෙහෙය වීමේ වගකීම ඔලී පොප්ට හිමි වනු ඇති බවට වාර්තා වේ.
කෙසේ වෙතත් ස්ට්රොක්ගේ ආබාධයත් සමග ඇතිවන එංගලන්ත සංචිතයේ පුරප්පාඩුව පිරවීමට වෙනත් ක්රීඩකයකු මෙතෙක් නම් කර නැත.
සිසිර ඉන්ද්රජිත්
