කතරගම ප්රාදේශීය ලේකම් කොට්ඨාසයට මායිම්ව පිහිටි වන සංරක්ෂණ මේ වනවිට වන සංරක්ෂණ නිලධාරීන්ගේද සහයෙන් විවිධ පුද්ගලයන් විසින් හේන් හෙළි කරන මුවාවෙන් එළිකරමින් මහා විනාශයන් සිදුකළත් වගකිව යුතු පරිසර නිලධාරින් මේ දක්වා කිසිදු පියවරක් ගෙන නොමැත.
දිර්ඝ කාලයක් පුරා කතරගම කිඹුල්කෙම, කොහොඹදිගාන, ගලහිටිය, වෙහෙරකෙම, කඳසුරිදුගම, කරවීලේ, ලූණුගම් වෙහෙර රක්ෂිත සීමාව, නාගහවීදිය විදුලිවැට යාල මායිම් සීමාව, සිතුල්පව්ව වන සීමාව, තම්මැන්නාව රක්ෂිත වැව් පද්ධතියන් ඇත`ුඑ ප‍්‍රදේශයේ වටිනා වන සම්පත් මහා පරිමාණයෙන් වනසමින් ඇති හැකි පිරිස් විසින් ඉඩම් ඇල්ලීම සිදු කරමින් පසුවෙයි.
වන සංරක්ෂණ දෙපාර්තමේන්තුවට අයත් මෙම වන සංරක්ෂණ කැළෑවන් මේ අයුරින් සිදු වන්නේ කතරගම ප‍්‍රදේශයේ ඉඩම් හිමි ඇති හැකි පිරිස් විසිනි.
ඉදිරියේ එන මහ කන්නනයේ හේන් කරන මුවාවෙන් මෙම වන විනාශයන් සිදු කිරීම විශාල ලෙස සිදුවෙමින් පැවතියද වන සංරක්ෂණ නිලධාරීන් කිසිදු අයුරකින් මෙම පරිසරය සුරැුකීමට ක‍්‍රියා නොකරති.
මෙම ඉඩම් අල්ලන අය අතර ආරක්ෂ අංශ, රාජ්‍ය නිලධාරින්, ප‍්‍රදේශීය දේශපාලඥයින් හා ව්‍යපාරිකයෝද සිටිති.
ඇතැම් පිරිස් බැකෝ යන්ත‍්‍ර යොදාගෙන මෙම වන විනාශයන් කරමින් පසුවෙයි. මේ වනවිට මෙම පරිසරයේ ජීවත් වූ අලි ඇතුන්ට මෙන්ම මුවන්, ඌරන් වැනි වන සතුන්ද සිටීමට ස්ථානයක් නොමැතිව ගම් වැදීමද සිදුවේ.
මේ වනවිටත් අක්කර 500 කට වැඩි සංරක්ෂිත වනයන් හා වැව් තාවුලූ ඇතුළු ප‍්‍රදේශ රැුසක් මොවුන් විසින් අල්ලාගෙන තිබේ.
මේ සම්බන්දයෙන් අදහස් දැක් වූ කතරගම ප්රාදේශීය ලේකම් ඒ. එම්. නන්දසිරි මහතා සඳහන් කළේ මෙලෙස විවිධ පිරිස් විසින් අල්ලා ගෙන ඇති බ්ම් වන සංරක්ෂණයට අයත් ඉඩම් බවයි.
කතරගම – කේ. ඞී. දේවප‍්‍රිය
