මධ්යම පළාත් පාසල් ක්රීඩා නෙට්බෝල් තරගාවලියේ අවුරුදු 20න් පහළ ශූරතාව දිනා ගනිමින් ඒ සඳහා පිරි නැමුණු රන් පදක්කමට හිමිකම් කියන්නට මහනුවර හිල්වුඩ් විදුහල නියෝජනය කළ ක්රීඩිකාවෝ සමත් වූහ.
එකී අනුශූරතාව මහනුවර මහාමායා බාලිකා විදුහලට හිමිවන අතර වාරයේ දී තෙවන ස්ථානය මහනුවර උසස් බාලිකා විදුහල සතු විය.
මෙවර තරගාවලියේ දක්ෂතම ක්රීඩිකාව ලෙස මහනුවර හිල්වුඩ් විදුහල නියෝජනය කළ කිසාදී දසනායක ක්රීඩිකාව සම්මාන ලැබුවාය.
ඉදිරියේ දී ක්රියාත්මක කෙරෙන 38 වන සමස්ත ලංකා පාසල් ක්රීඩා උලෙළට සුදුස්සන් තෝරාගැනීමේ අරමුණ ඇතිව කටුගස්තොට ශාන්ත අන්තෝනි බාලිකා විද්යාලයීය ක්රීඩාංගණයේ දී පැවැති මෙවර තරගාවලිය මධ්යම පළාත් අධ්යාපන දෙපාර්තමේන්තුව විසින් සංවිධානය කරන ලදී.
මධ්යම පළාතට අයත් මහනුවර, මාතලේ සහ නුවරඑළිය දිස්ත්රික්කයන්හි පිහිටි අධ්යාපන කලාප 15ක් නියෝජනය කරමින් මෙවර තරගාවලියට කණ්ඩායම් සහභාගි විය.
අනුරුද්ධ හේරත් බණ්ඩාර
