ශ්‍රේෂ්ඨ කවියකු, ගීත රචකයකු, ජාති හිතෛෂී විද්වතකු වූ දිවංගත කලාසූරී අරිසෙන් අහුබුදු මහතාගේ 13 වන සමරු උලෙළ නොවැම්බර් 21 වැනිදා බ්‍රහස්පතින්දා ප.ව. 3.00ට කොළඹ 7, ශ්‍රී ලංකා පදනම් ආයතනයේදී පැවැත්වේ. අරිසෙන් අහුබුදු පදනම සංවිධානය කරන මෙම සමරු උලෙළේ විශේෂ දේශනය පවත්වන්නේ හෘද රෝග විශේෂඥ වෛද්‍ය රුවන් ඒකනායක මහතායි. අරිසෙන් අහුබුදු පදනම අධ්‍යාපන අමාත්‍යාංශය සමග එක්ව බස්නාහිර පළාත් පාසල් සිසුන් සඳහා පැවැත් වූ පද්‍ය රචනා තරගයේ තිළිණ සහ සහතික පිරිනැමීම ද මෙදින සිදු කරනු ලැබේ. අරිසෙන් අහුබුදු සූරීන් විසින් රචිත ‘ලංකා ගම් නම් වහර ’ ග්‍රන්ථයේ නව මුද්‍රණය ද මේ අවස්ථාවේදී එළිදැක්වීමට නියමිතය.
