ගැටලූවකින් තොරව  අඛණ්ඩව විදුලිය සැපයීමට පියවර ගන්න

145

* ජනාධිපති සියලූ පාර්ශ්වයන්ට උපදෙස් දෙයි

 අඛණ්ඩව විදුලිය සැපයීමට පියවර ගන්නැයි ජනාධිපති ගෝඨාභය රාජපක්ෂ මහතා වගකිව යුතු සියලූ පාර්ශ්වයන්ට ඊයේ (02දා) උපදෙස් දුන්නේය.

 පවතින විදුලි කප්පාදුව සහ ඉන්ධන ගැටලූව සම්බන්ධයෙන් ඊයේ දහවල් ජනාධිපති කාර්යාලයේ පැවති විශේෂ සාකච්ඡුාවේදී ජනාධිපතිවරයා මේ බව සඳහන් කළේය.

 විදුලිබල සහ බලශක්ති අමාත්‍යාංශයන්හි නිලධාරීන් සමග කළ දීර්ඝ සාකච්ඡුාවකින් අනතුරුව ප‍්‍රමාදයකින් තොරව ඉන්ධන ගෙන්වීම, සංචිත පවත්වා ගෙන යාම, විදුලි උත්පාදනය සඳහා ඉන්ධන සහ ගල් අඟුරු සැපයීම අඛණ්ඩව සිදු කිරීමට තීරණය කෙරිණ.

 මාර්තු 05 වැනිදා සිට විදුලිය කප්පාදුවක් සිදු නොකරන බව නිලධාරීහු මෙහිදී සඳහන් කළහ.

 දිවයින පුරා සියලූම ඉන්ධනහල් වෙත ඉන්ධන බෙදාහැරීම අද සිට සාමාන්‍ය පරිදි සිදු කෙරේ. එබැවින් ජනතාව අනිසි බියකින් ඉන්ධන එක්රැුස් කිරීමෙන් වළකින ලෙස, නිලධාරීහු ජනතාවගෙන් ඉල්ලා සිටිති.

 අග‍්‍රාමාත්‍ය මහින්ද රාජපක්ෂ, අමාත්‍ය බැසිල් රාජපක්ෂ, ගාමිණී ලොකුගේ, උදය ගම්මන්පිල, ජොන්ස්ටන් ප‍්‍රනාන්දු, මහින්දානන්ද අලූත්ගමගේ, රමේෂ් පතිරණ, රාජ්‍ය අමාත්‍ය කංචන විජේසේකර, මහබැංකු අධිපති, ජනාධිපති ලේකම්, ජනාධිපති ප‍්‍රධාන උපදේශක, රේඛීය කැබිනට් සහ රාජ්‍ය අමාත්‍යාංශවල ලේකම්වරු, ආයතන සභාපතිවරු සහ නිලධාරීහු මෙම අවස්ථාවට එක්ව සිටියහ.

advertistmentadvertistment
advertistmentadvertistment