නාමයෝජනා භාරදීමෙන් පසු ජනපති මල්වතු අස්ගිරි මහ නාහිමිවරුන් බැහැදකී
ජනාධිපතිවරණය සඳහා නාමයෝජනා භාරදීමෙන් අනතුරුව ජනාධිපති රනිල් වික්‍රමසිංහ මහතා මහනුවරට පැමිණ ශ්‍යාමෝපාලි වංශික මහ නිකායේ මල්වතු මහාවිහාර පාර්ශ්වයේ මහ නායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගලාභිධාන මහ නායක හිමිපාණන් හා ශ්‍යාමෝපාලි වංශික මහා නිකායේ අස්ගිරි මහා විහාර පාර්ශ්වයේ මහ නායක අතිපූජ්‍ය වරකාගොඩ ධම්මසිද්ධි ශ්‍රී පඤ්ඤානන්ද ඤාණරතනාභිධාන මහ නායක හිමිපාණන් බැහැදැක ආශිර්වාද ලබා ගත්තේය.
