ඇමෙරිකානු පොප් ගායිකාවක් හා ගී පද රචිකාවියක් වන ටේලර් ස්විෆ්ට් විසින් ඔස්ටි්රයාවේ වියනා නගරයේ පැවැත්වීමට සැළසුම් කර තිබූ සංගීත ප්රසංග තුනක් එම ප්රසංගවලට ත්රස්තවාදී ප්රහාරයක් එල්ල කිරීමේ සැලැස්මක් අනාවරණය වීම් හේතුවෙන් අවලංගු කිරීමට ඔස්ටි්රයානු බලධාරීන් විසින් පියවර ගෙන තිබේ. ගායිකා ටේලර් ස්විෆ්ට් විසින් ඊයේ (08දා), අද (09දා) හා හෙට (10දා) යන දිනවල වියනා නගරයේ අර්න්ස්ට් හැපල් ක්රීඩාංගණයේදී දිනකට 65,000ක් පමණ වන ප්රේක්ෂකයන් පිරිසක් මධ්යයේ සංගීත ප්රසංග පැවැත්වීමට සැළසුම් කර තිබිණි.
අදාළ ප්රසංග පැවැත්වෙන ක්රීඩාංගණයට මදක් දුරින් රසායන බෝම්බයක් ළඟ තබා ගෙන සිටි අයිසිස් ත්රස්තවාදී සංවිධානයට අයත් 19 හැවිරිදි ඔස්ටි්රයානු ජාතික තරුණයකු හා ඔහුගේ සහයකයෙකු අත්අඩංගුවට ගැනීමට පොලිසිය විසින් පියවර ගෙන තිබේ. අදාළ ප්රසංගවලට ත්රස්තවාදී ප්රහාර එල්ල කිරීමට සැළසුම් කිරීමේ චෝදනා මත තවත් කිහිපදෙනකු අත්අඩංගුවට ගත් බව ඔස්ටි්රයානු පොලිසිය විසින් නිවේදනය කර ඇති අතර ඒ සම්බන්ධයෙන් වැඩි විස්තර හෙළිදරව් කර නොමැත.
සංස්කරණය – ඒමන්ති මාරඹේ
