මේෂ – ක්ෂණික කෝපය
අධ්‍යාපනයට යහපත් වනු ඇත. ගෘහයට යහපත් වනු ඇත. මෙම සතිය මේෂ ලග්න හිමියන් උදෙසා ඉක්මනින් කේන්ති යාම සිදුවනු ඇත. ඒ රැකී රක්ෂාවට බලපානු ඇත. නැති නෑදෑකම් ඇතිවන කාලයක් වනු ඇත. මේෂ ලග්න හිමියන් මෙම සතියේ හදිසි තුවාල ඇතිවීම්වලට හේතු වේ. කල්පනාකාරීව රිය පැදවීම මෙන්ම දෛනික කටයුතු කිරීමේදී ඉතා ප්‍රවේශම් විය යුතුවේ. ආදායම් මාර්ග පුළුල්වීමට ඉඩ පවතියි. ශුභ මිශ්‍ර ඵල ගෙන දෙන සතියකි. ආගම දහමට නැඹුරු වීමෙන් ශුභ සතියක් කර
ගැනීමට හැකිවනු ඇත. මානසික සුවය අඩුවන සතියක් වනු ඇත. ශරීර සෞඛ්‍යයට ද එතරම් යහපත් නොවේ. විවාහ සහකරු සහකාරී සමග වාද විවාද ඇතිවීමට ඉඩ පවතී. තම දැනුම සහ අදහස් මෙහෙයවා කරන දේ සාර්ථක කරගන්න. පිනට දැහැමිව කටයුතු කරන්න එවිට සතිය සාර්ථක කර ගැනීමට හැකිවනු ඇත.
ශුභ දවස බදාදා/ශුභ අංකය 3
වෘෂභ – හදිසි ධන වාසනා
මෙම සතිය වෘෂභ ලග්න හිමියන් හට ධන වසනා ඇතිවීමට බලපායි. ව්‍යාපාරවලට ද ශුභ වනු ඇත. තැන්පත් ධනය වැඩි වේ. තමා නොසිතූ ලෙස ධන වසනා ලැබෙනු ඇත. මංගල යෝග පවතී. ඉගෙන ගන්නා දූ දරුවන් උදෙසා යහපත් වනු ඇත. රැකී රක්ෂා කරන්නන්ට යහපත් වනු ඇත. හදිසි ගමන් බිමන් ඇතිවන සතියක් වේ. සතිය වාසනාවන්ත වනු ඇත. සැප පහසුව ලැබෙන සතියක් වනු ඇත. විදේශ ගමන් බිමන්වලට ශුභයි. ශරීර සෞඛ්‍යයට මෙම සතිය යහපත් වේ. සති මැද සිත්තැවුල් ඇතිවීමට හේතු වේ. කල්පනාකාරීව කටයුතු කරන්න. ඔබේ දක්ෂතා ඉස්මතු වන සතියක් වනු ඇත. කාගේත් සිත් ගන්නා පුද්ගලයෙක් වීමට ඔබට හැකිවේ. ව්‍යාපාර හෝ වෙනත් කටයුතුවලින් ලාභ ලැබීමට හේතුවනු ඇත. දියුණු උදෙසා කරන සෑම කාර්යයක්ම සාර්ථක කර ගැනීමට හැකිවන සතියක් වේ. වැඩිහිටි උපස්ථානවලට නැඹුරු වීමට මෙම සතිය කටයුතු කරනු ලබයි.
ශුභ දිනය සඳුදා/ශුභ අංකය 1
මිථුන – ගෘහයේ ගැටලු
මිථුන ලග්න හිමියන්ට සතිය ආරම්භයේ ශුභ නොවුණත් සති මැද ශුභයි. කරන කියන දෙයින් ලාභ ලැබේ. සති මුල ගෘහයේ ගැටලු ඇති විය හැක. කල්පනාකාරීව කටයුතු කිරීමෙන් එය මඟහරවා ගත හැක. තවද අසනීපවලට හේතුවේ. සති මැද වන විට ශරීර සෞඛ්‍යයට යහපත් වනු ඇත. මෙම සතිය ඉතා කල්පනාකාරීව කටයුතු කිරීම ජය ගැනීමට හැකි වනු ඇත. සති අග ආගම දහමට නැඹුරු වීමක් පෙන්නුම් කරනු ඇත. ගෘහයේ දියුණුව පිළිබඳ තීන්දු තීරණ ගන්නා සතියක් වනු ඇත. ශුභ අශුභ මිශ්‍ර ඵල ගෙන දේ. ශරීර සෞඛ්‍යය ගැන වෙනදාට වඩා සිතීම ගන්නා ආහාර පාන ගැන සැලකිලිමත් වීම අවශ්‍ය වේ. නිදන්ගත රෝග ඇත්නම් ප්‍රවේසම් වන්න. දෛනික කටයුතුවලට බාධා ඇතිවීමක් පෙන්නුම් කරනු ලැබේ. ඇවිදිලි සහිත සතියක් වනු ඇත. මේ සතිය අමනාප වූ නෑදෑ හිතමිතුරන් ළං වන සතියක් වෙයි. කලබලකාරීත්වය මඟහැර සතිය ජයගැනීමට උත්සාහ කරන්න.
ශුභ දවස බ්‍රහස්පතින්දා/ශුභ අංකය 5
කටක – ආවේගශීලී අදහස්
කටක ලග්න හිමියන්ට මෙම සතිය මුල සිට මැද තෙක් ඉතා කේන්ති යන ගතියක් ඇතිවනු ඇත. අන් අය නුරුස්සන ගතිය නිසා බොහෝ දේ අහිමිවීමට ඉඩ ඇති බැවින් ඉවසීමෙන් කටයුතු කරන්න. කරන කියන දේ ගැන දෙවරත් සිතා බලා කටයුතු කරන්න එවිට ජය ගත හැක. ආවේගශීලී අදහස් නිසා ගෘහයේ ගැටලු ඇතිවීමට ඉඩ පවතී. මහන්සි වී වැඩ කිරීමට සිදුවන සතියකි. සති අගවන විට සිත සංසුන් වනු ඇත. සියල්ල සාර්ථක කර ගැනීමට සති අග වෙහෙසීමට සිදුවනු ඇත. මෙම සතිය කටක ලග්න හිමියන් කල්පනාකාරීව කටයුතු කිරීම යහපති. ශරීර සෞඛ්‍ය ගැන සැලකිලිමත් වීම යහපත් වනු ඇත. කරන කියන රැකී රක්ෂාවන් සඳහා බාධා ඇතිවීමට ඉඩ පවතින බැවින් කරන කියන දේ මනා බුද්ධියකින් යුක්තව සිදුකිරීම යහපත් වනු ඇත.
ශුභ දවස බදාදා/ශුභ අංකය 5
සිංහ – හදිසි ගමන් බිමන් යෙදේ
සිංහ ලග්න හිමියන්ට මෙම සතිය පීඩිත වනු ඇත. සිත් තැවුල් ඇතිවීමට හේතු ගෙන දේ. අනුන් කරන වැරදිවලට තමාට දඬුවම් ලැබීමට සිදුවන සතියකි. සති මැද වෙන විට මානසික පීඩා මානසික ගැටලු වැඩිවෙනු ඇත. කේන්ති යෑම වැඩිවේ. මෙම සතිය කරන කියන රැකියාව ඉතා පරිස්සමෙන් කළ යුතුවේ.
රැකියාව තුළ බාධක ඇතිවීමට හැක. ඔබට රැකියාවේ මානසික පීඩා වැඩිවීමට හැකි බැවින් ඉතා ඉවසීමෙන් කටයුතු කිරීමෙන් මෙම අශුභයන් මගහරවා ගත හැක. ගෘහ ආශ්‍රිත ගැටලු ද ඇතිවීමට හැක. කලකිරීම්වලට හේතු වේ. නිතර ආගම දහමට නැඹුරු වීමෙන් මෙම තත්ත්වයක් මගහරවා ගැනීමට හැක. අධ්‍යාපනයේ නියැලෙන දරුවන්ගේ අධ්‍යාපනයට බාධාවන සතියකි. එහෙත් මෙම තත්ත්වයන් පිනට දහමට ලැදි වීමෙන් අශුභ තත්ත්වයන් මඟ හැරෙනු ඇත. විනෝද ගමන් බිමන් යෙදෙන සතියක් වනු ඇත. කතාවට දක්ෂ වනු ඇත.
ශුභ දවස සඳුදා/ශුභ අංකය 6
කන්‍යා – අධ්‍යාපනයට බාධා
මෙම සතිය අධ්‍යාපනයේ නියැලෙන දරුවන්ට බාධා සිදුවනු ඇත. වෙනදාට වඩා මතක ශක්තිය අඩු වෙනු ඇත. ශරීර සෞඛ්‍යයට ද යහපත් නොවෙනු ඇත. ව්‍යාපාර ලාභ ලැබීම්වලට හේතු වෙතත් කරන කියන දෙයින් පාඩු ඇතිවීමට සිදුවේ. කට වචනය නිසා පාඩු සිද්ධවනු ඇත. මෙම සතිය මාළුවා කට නිසා නසිනවා සේ තමාගේ කට නිසා බොහෝ දේ අහිමිවීමට ඉඩ ඇත. කතාබහ කිරීමේදී දෙවරක් සිතා බලා කතා බහ කිරීම වැදගත් වනු ඇත. සති මැද මෙම තත්ත්වයන් මඟහැරීමක් සිදුවනු ඇත. සති අග නුවණින් තීරණ ගැනීම සිදුවේ. ධෛර්යය ඇතිවන සතියකි. තමාට තමා පමණක්ම යැයි සිතන සතියක් වනු ඇත. නිතර ආගම දහමට නැඹුරු වීමත් දිනපතා තුන්සූත්‍රය ශ්‍රවණය කිරීමත් තුළින් ශුභ ප්‍රතිඵල ලබා ගැනීමට හැකි වනු ඇත. මෙම සතිය අඳුරු වර්ණ ඇඳීමෙන් වළකින්න.
ශුභ දවස සිකුරාදා/ශුභ අංකය 7
තුලා – විදේශ ගමන් බිමන්
ධනය ලැබීමට යහපත් සතියක් වේ. කරන කියන දෙයින් ලාභ ලැබීම සිදුවේ. විදේශ ගමන් බිමන්වලට මුල පිරුණු කාලයක් වනු ඇත. මෙම සතිය අධ්‍යාපනයට යහපත් වනු ඇත. ගෘහයේ දියුණුව ඇතිවන සතියක් වේ. සති මැද වන විට ගෙදර උත්සවවලට හේතු වෙයි. ප්‍රීතිය පිණිස කටයුතු ඉෂ්ට සිද්ධ වන සතියක් වේ. හදිසි ගමන් බිමන් වියදම වැඩිවන සතියක් වනු ඇත. කරන කියන රැකී රක්ෂාවේ උසස්වීම් මෙන්ම ප්‍රධානීන්ගේ පැසසුමට ලක්වන සතියක් වනු ඇත. සිතට සතුට සැපත ගෙනදෙන සතියක් වනු ඇත. දිව පිනවන ආහාරපාන ලැබෙන සතියක් වේ. තම නෑදෑ හිතමිතුරන් සමග කාලය ගත කිරීමට හැකිවන සතියක් වනු ඇත. කා අතරෙත් කැපී පෙනෙන චරිතයක් වේ.
ශුභ දවස බදාදා/ශුභ අංකය 2
වෘශ්චික – රැකියා උසස් වීම්
වෘශ්චික ලග්න හිමියන්ට මෙම සතිය තරමක් යහපත් වනු ඇත. රැකී රක්ෂාව යහපත් වුවත් දෛනික කටයුතුවලට යහපත් නොවනු ඇත. ගෘහයේ ගැටලු ඇතිවන සතියකි. විවාහ සහකරු සහකාරිය සමග වාද විවාද ඇතිවන සතියක් වේ. කරන කියන දේ ගැන ඉතා සැලකිලිමත් විය යුතුවේ. සිත් තැවුල් ඇතිවන සතියක් වනු ඇත. මානසික පීඩා ඇතිවේ. මනසට අවිවේකී බවක් දැනෙන සතියක් වනු ඇත. තම ආදරණීයන්ගෙන් වෙන්ව කටයුතු කිරීමට සිදුවන සතියකි. කේන්තිය පාලනය කරගත නොහැකි වේ. සති අග වනවිට මෙම තත්ත්වයන් සමනය වනු ඇත. ප්‍රීතිය පිණිසම කටයුතු ඉෂ්ට සිද්ධ වනු ඇත. මහා පින්කම් කිරීමට සිත් දේ. අධ්‍යාපනයට යහපත් වනු ඇත. සති මැද වන විට දියුණුවට අදහස් මතුවන වේ.
ශුභ දවස බදාදා/ශුභ අංකය 5
ධනු – ශරීර සෞඛ්‍යයට බාධා
මෙම සතිය කල්පනාකාරී ලෙස නිසි සෞඛ්‍ය පුරුදු ඇති කරගත යුතුවේ. බෝවෙන රෝගවලට හේතුවේ. ආහාරවලින් ප්‍රවේසම් වන්න. ආමාශගත රෝගවලට හේතුවන සතියකි. අජීර්ණ තත්ත්වයන් ඇතිවීමට හේතු වෙයි. මෙම සතිය අධ්‍යාපනය ලබන්නට යහපත් වුවත් අධ්‍යාපනයට බාධා ඇති විය හැක. දරුවන් සම්බන්ධයෙන් වැදගත් තීරණ ගැනීමට සිදුවන සතියකි. උෂ්ණාධික රෝග ඇතිවිය හැක. ඉක්මන් තීරණ කොටයි. බුද්ධියෙන් තීරණ ගැනීමෙන් මෙම සතිය ශුභ කරගත හැක. මෙම සතියේ ආදායම් ලැබීමට සුභ සතියක් වනු ඇත. විවාහ අපේක්ෂාවෙන් සිටින ඔබට ඉතා යහපත් වේ. මංගල යෝජනා ස්ථිර වීමට ඉඩ පවතී.
ශුභ දවස බ්‍රහස්පතින්දා/ශුභ අංකය 1
මකර – විශ්වාසය පලුදු වීම්
තමා විශ්වාස කර අයගෙන් තමාගේ විශ්වාසය නැති වීම සිත් තැවුල්වලට හේතුවෙනු ඇත. රැවටීම්වලට හේතු වේ. ආත්ම විශ්වාසය අඩුවෙන සතියක් වේ. සිත ධෛර්යවත් කර ගැනීමෙන් සතිය ජයගැනීමට හැකි වනු ඇත.
රැකීරක්ෂාවට බාධා ඇති වුවත් කල්පනාකාරීව වැඩකටයුතු කිරීමෙන් ඒ මගහරවා ගැනීමට හැකිවනු ඇත. කරන කියන දේ ගැන දෙවරක් සිතා බලා කටයුතු කිරීම යහපත් වනු ඇත. තමාට අවාසි වීමට ඉඩ ඇති බැවින් කල්පනාකාරී වන්න. වෙනදාට වඩා අධ්‍යාපනය ලබන දරුවන්ගේ කම්මැලිකමක් ඉස්මතු වන සතියක් වේ. මුරණ්ඩුකම් කේන්ති යාම ඇතිවීමට ඉඩ පවතී. කලබලකාරිත්වය නිසා බොහෝ පාඩු ඇතිවීමට හේතුවේ. මංගල යෝජනා ස්ථීර වීමට බාධා ඇතිවේ.
ශුභ දවස සෙනසුරාදා/ශුභ අංකය 2
කුම්භ – ඉවසීමෙන් සැනසීම
මෙම සතිය කුම්භ ලග්න හිමියන් නිතර ආගම දහමට නැඹුරු වීමක් පෙන්නුම් කරනු ඇත. සිතේ රැඳෙන පරිදි මහා පින්කම් කිරීමට සිත් දෙන සතියක් වනු ඇත. සති මැද වන විට නෑදෑ හිත මිතුරන් එක්වනු ඇත. සැලකිය යුතුයි ගනුදෙනු කිරීමේදී මෙම සතිය කුම්භ ලග්න හිමියන් ඉතා ප්‍රවේශම් විය යුතුවේ.
ගනුදෙනුවලින් රැවටීමට හේතුවනු ඇත. මංගල යෝග පවතී. විදේශ ගමන් බිමන්වලට යහපත් සතියක් වනු ඇත. අධ්‍යාපනයේ නියැළෙන දූ දරුවන් උදෙසා යහපත් ප්‍රතිඵල ලබා ගැනීමට හැකි වනු ඇත. ශරීර සෞඛ්‍යයට යහපත් සතියකි. ශුභ අශුභ මිශ්‍ර පල ගෙන දෙන සතියක් ලෙස කුම්භ ලග්න හිමියන්ට මෙම සතිය පෙන්නුම් කෙරේ. මහා පින්කම්වලට සහභාගි වීමට ඉඩ පවතී. ගෘහයේ දියුණු උදෙසා තීන්දු තීරණ ගනියි. දරුවන්ගේ දියුණුව දැක සතුටු වීමට හැකිවන සතියක් වනු ඇත.
ශුභ දවස බදාදා/ශුභ අංකය 7
මීන – රැකීරක්ෂා උසස් වීම්
මීන ලග්න හිමියන්ට මෙම සතිය ඉතා යහපත් සතියක් වනු ඇත. රැකී රක්ෂාවලට මෙන්ම ගෘහයටද යහපත් සතියක් ලෙස නම් කළ හැක. කරන කියන දෙයින් ලාභ ලැබීමට හේතු වාසනා ඇතිවේ. තමා බලාපොරොත්තු වූ දේ ඒ ආකාරයෙන්ම ඉෂ්ට සිද්ධවෙන සතියක් වනු ඇත. විනෝද කටයුතුවලට මූලික වන සතියකි. පවුලේ ආර්ථිකය යහපත් වෙන සතියකි. සති මැද හදිසි තුවාල ඇතිවීමට හේතුවන නිසා පරිස්සමින් දෛනික කටයුතුවල නිරතවීම යහපත් වනු ඇත. විනෝද ගමන් බිමන්වලට මුල පුරන සතියක් වනු ඇත. තම ගෘහයේ දියුණුව උදෙසා මුදල් යොදවන සතියක් වෙයි. ප්‍රධානීන්ගෙන් පැසසුම් ඇති වේ. කතාවෙන් අන් අය වශී කර ගැනීමට හැකිවනු ඇත.
ශුභ දවස බ්‍රහස්පතින්දා/ශුභ අංකය 8
ජ්‍යොතිෂවේදී සහ වාස්තුවේදී, විද්‍යා කීර්ති ශ්‍රී විභූෂණ
ආචාර්ය එච්.ඩී. එන්. ඌෂාන්ත්‍රි
071 248 2323
