තම දෙමස්සිනෝ සමග එක්ව පොල්ලකින් පහරදී තම පියාගේ අත කඩා දැමූ බව කියන පුතෙකු හා මස්සිනාලා දෙදෙනා දොඩන්ගොඩ පොලිසිය මගින් අත්අඩංගුවට ගෙන ඇත.
මෙම සිද්ධියෙන් තුවාල ලබා රෝහලට ඇතුළත් කර ඇත්තේ දොඩන්ගොඩ හල්කඳවිල මොනාකෝගම පදිංචි සමරවීර මුදලිගේ දොන් සුරංග ඉරේෂ් කුමාර විජේරත්න නම් වූ 40 හැවිරිදි අයෙකි.
තම පුතාට මුණුබුරා හා ඔහුගේ දෙමස්සිනාලා පහර දුන් බව කියමන් ගල්ලස්සගේ පද්මිනී (අවු .62) යන අය විසින් කරන ලද පැමිණිල්ලට අනුව පරීක්ෂණ පවත්වා මොවුන් අත්අඩංගුවට ගෙන තිබුණි.
සැකකරුවන් මතුගම මහෙස්ත්‍රාත් අධිකරණයට ඉදිරිපත් කිරීමට නියමිතව තිබුණි.
කළුතර විශේෂ එස්. ආරච්චිගේ
