ජාතික සුපිරි ලීග් බේස්බෝල් තරගාවලියේ අවසන් මහ තරගය අද (11 වැනිදා) පැවැත්වේ.
යුද හමුදාව සහ නාවික හමුදාව අතර දියගම, ජපන් – ශ්රී ලංකා මිත්‍රත්ව ජාත්‍යන්තර බේස්බෝල් ක්‍රීඩාංගණයේදී පැවැත්වෙන එම තරගය ප.ව. 1.30 ට ආරම්භ වීමට නියමිතය.
අවසන් පූර්ව වටයේදී රණබිම බේස්බෝල් සමාජය පරාජය කරමින් යුද හමුදා කණ්ඩායම ද, රෝයල් බ්ලූස් බේස්බෝල් සමාජය පරාජය කරමින් නාවික හමුදා කණ්ඩායම ද අවසන් මහා තරගයට සුදුසුකම් ලැබීය.
ඒ අනුව රණබිම බේස්බෝල් සමාජය සහ රෝයල් බ්ලූස් බේස්බෝල් සමාජය අතර තරගාවලියේ තෙවැනි ස්ථානය තේරීමේ තරගය අද පෙරවරු 8.30 පැවැත්වේ.
තරගාවලියේ ශූරතාව දිනාගන්නා කණ්ඩායමට ශූරතා කුසලාන සමගින් රුපියල් 75,000 ක මුදල් ත්‍යාගයක් පිරිනැමෙන අතර අනු ශූරයන් සඳහා කුසලාන සමග රුපියල් 50,000 ක මුදල් ත්‍යාගයක්ද පිරිනැමෙනු ඇත.
