මහජන බැංකු නිලධාරීන්ගේ සංගමය විසින් සිය සාමාජික දූ පුතුන්ගේ විශිෂ්ට අධ්‍යාපන කුසලතා අගයමින් 22 වන වරටත් සංවිධානය කරන ලද ‘අභිනන්දන ප්‍රණාම 2024’ කුසලතා ඇගයීම් සහ තිළිණ ප්‍රදානෝත්සවය කොළඹ 10, නෙළුම් Cosmic by Citrus හෝටලයේදී මහජන බැංකුවේ සභාපති සුජීව රාජපක්ෂ සහ ප්‍රධාන විධායක නිලධාරි/ සාමාන්‍යාධිකාරි ක්ලයිව් ෆොන්සේකා යන මහත්වරුන්ගේ ප්‍රධානත්වයෙන් පසුගියදා පැවැත්විණි.
මෙහිදි 2023 වසර තුළ 5 වසර ශිෂ්‍යත්ව, අ.පො.ස (සා.පෙළ), අ.පො.ස (උසස් පෙළ) විභාගයන්ගෙන් විශිෂ්ට අධ්‍යාපන කුසලතා පළ කළ මහජන බැංකු නිලධාරීන්ගේ සංගමයේ සාමාජිකයන්ගේ දූ පුතුන්ට තිළිණ සහ සහතිකපත් පිරිනැමිණි. එමෙන්ම විශ්‍රාමලත් ජ්‍යෙෂ්ඨ සාමාජිකයන්ට උපහාර පුද කළ ‘අභිමන් ගෞරව සේවා උපහාර’ වැඩසටහන සහ මහජන බැංකුවේ නිලධාරින්ගේ සංගමයේ වාර්ෂික මහා සභා රැස්වීම ද මෙදින පැවැත්විණි.
මේ අවස්ථාවට මහජන බැංකු නිලධාරීන්ගේ සංගමයේ සභාපති නලින් පෙරේරා – සහකාර සාමාන්‍යාධිකාරි (පුද්ගල කේන්ද්‍රීය බැංකු කටයුතු) හා ලේකම් චමින්ද ඉහළකෝරාළ – සහකාර සාමාන්‍යාධිකාරි (සළු හා මධ්‍ය පරිමාණ, සංවර්ධන සහ ක්ෂුද්‍ර මූල්‍ය) යන මහත්වරුන් ඇතුළු එම සංගමයේ නිලධාරීන්, විශ්‍රාමික හා වත්මන් සාමාජික සාමාජිකාවන් සහ දූ දරුවන් විශාල පිරිසක් සහභාගි වූහ.
