කොළඹ ආර්. ප්රේමදාස ක්රීඩාංගණයේ පැවති ක්රිකට් තරගය නැරඹීමට පැමිණි ජර්මන් ජාතිකයකු ළඟ තිබූ යුරෝ මුදල් 1,500ක්, ශ්රී ලංකා මුදල් රුපියල් පනස්දාහක් සහ ජංගම දුරකථනය කවුරුන් හෝ විසින් සොරකම් කරගෙන ගොස් ඇතැයි මාලිගාවත්ත පොලිසියට පැමිණිල්ලක් ලැබී ඇත.
මෙම ජර්මන් ජාතිකයා එහි තිබූ බීමහලකින් බියර් පානය කිරීම සඳහා පෝලිමේ සිටියදී මෙම සොරකම සිදුකර තිබේ.
මෙම මුදල් සහ ජංගම දුරකථනය අඩංගු කුඩා බෑගය සිය ඉනේ බැඳ සිටියදී මෙම සොරකම සිදුවී ඇත.
මාලිගාවත්ත පොලිසිය මේ පිළිබඳව විමර්ශන ආරම්භ කර තිබේ.
නෝමන් පලිහවඩන
