ඉන්දීය ප්‍රිමිය ලීග් ක්‍රිකට් තරගාවලිය යටතේ ඊයේ රාත්‍රියේ පැවති මුම්බායි ඉන්දියන්ස් සහ ගුජරාට් ටයිටන්ස් අතර අවසන් පුර්ව වටයේ තෙවන තරගයේ ජය හිමි කරගැනීමට ගුජරාටි ටයිටෑන්ස් කණ්ඩායම සමත් විය.ඒ අනුව ගුජරාට් කණ්ඩායම 28දා ඉරිදා පැවැත්වෙන තරගාවලියේ අවසන් මහ තරගයට සුදුසුකම් ලැබීය.මහේන්ද්‍ර සිං දෝනිගේ නායකත්වයෙන් යුත් චෙන්නායි සුපර් කින්ග්ස් කණ්ඩායම මේ වනවිටත් අවසාන මහ තරගයට සුදුසුකම් ලබා සිටී..IPL තරගාවලියේ අවසන් මහා තරගයට අවස්ථා 9කදී සුදුසුකම් ලැබු චෙන්නායි සුපර් කිංග්ස් කණ්ඩායම ඉන් අවස්ථා 4කදී ශූරතාව හිමි කරගැනීමට සමත්ව ඇත..අද පැවැති තරගයේ පළමුවෙන් පන්දුවට පහරදුන් ගුජරාට් ටයිටන්ස් කණ්ඩායම නියමිත පන්දුවාර 20 අවසානයේ කඩුලු 03ක් දැවී ලකුණු 233ක් රැස් කළේය.පිළිතුරු ඉනිම ක්‍රීඩා කළ මුම්බායි ඉන්දියන්ස් පන්දුවාර 18යි පන්දු02ක් අවසානයේ සියලුදෙනා දැවී ලබාගත්තේ ලකුණු 171ක් පමණි.
