මුලතිව් කෝවිලක කොටි වළලපු රත්තරන් ගොඩ ගන්න පිරිසක් ඇවිත්… කෝවිල් බිමට හමුදා සහ පොලිස් ආරක්‍ෂාව

903

එල්.ටී.ටී.ඊ. සංවිධානය විසින් යුද සමයේදී මුලතිව් මුල්ලිවයික්කාල් – කුරුන්දඩි පිල්ලෙයාර් කෝවිල් භූමියේ වළ දමා ඇති රත්තරන් තොගයක් ගොඩ ගැනීමට පිරිසක් උත්සාහ කිරීමත් සමග 24 දා රාත‍්‍රී එම කෝවිල් භූමියට යුද හමුදාවේ ආරක්ෂාව යොදවා තිබේ.

කෝවිලේ මුරකරුවකු විසින් කිසියම් පිරිසක් කෝවිල් භූමිය හෑරීම සදහා සූදානම් වන බව දැකීමෙන් පසුව ඔහු ඒ බව කෝවිලේ ප‍්‍රධාන පූජකවරයාට සැළ කිරීමෙන් පසුව පූජකවරයා මේ ගැන ආරක්ෂක අංශවලට පැමිණිලි කොට තිබේ.

ඒ අනුව කෝවිල් භූමියට යුද හමුදාව හා පොලිසිය පැමිණ රාත‍්‍රියේ සිට ආරක්ෂාව දැඩි කොට තිබේ.

මුලතිව් පොලීසිය මේ ස්ථානය හෑරීම සදහා පැමිණි පිරිස සොයා පරීක්ෂණ ආරම්භ කොට තිබේ.

2009 වසරේදී මේ ස්ථානයේ එල්.ටී.ටී.ඊ. සංවිධානය විසින් විශාල රත්තරන් තොගයක් වළ දමා ඇති බවට ප‍්‍රචාරයක් යාම නිසා මීට ඉහතදී ද කීප දෙනෙකුම කෝවිල් භූමිය හෑරීමට උත්සාහ කළ අතර ඉන් සමහර අය පොලිස් අත්අඩංගුවට ද පත්විය.

දිනසේන රතුගමගේ

advertistmentadvertistment