යුග දිවිය වනසන නිවසේ දෝෂ

2095

වසර ගණනාවක ප්‍රේම සම්බන්ධතාවයකින් විවාහ දිවියට පත්වී කෙටි කාලයක් තුළ විවාහ දිවිය අප්‍රසන්න වී දෙදෙනාට එකිනෙකා පේන්න බැරි තත්ත්වයකට පත් වීමත්, යෝජිත විවාහයක් සිදුවී සියලු පොරොන්දම් නැකැත් අකුරටම ඉටුකරමින් දෙමාපිය වැඩිහිටි දෙපාර්ශ්වයේම ආශිර්වාදය මත යුග දිවියට පත්ව කෙටි කාලයක් තුළ අඹුසැමි යුවළ එකිනෙකා චෝදනා කර ගනිමින් රණ්ඩුසරුවල් වීම්, විවාහයෙන් පසුව බිරිඳ ඇතිකරගත් අනියම් සබඳතාවයක් හෝ සැමියා අතිකර ගත් අනියම් සබඳතාවයක් නිසා හෝ ඇතිවන අඹු – සැමි ආරවුල් නිවසට සීමාවුන ගැටුම උසාවිය පොලිසිය දක්වා වර්ධනය වන ආකාරයට පත්වීම ඇතුළු එකී නොකී මෙකී අඹු – සැමි අරගල නොයෙක් ආකාරවලට පැවතිය හැකි අතර ඒ සඳහා හේතුවන බීජ මූලයන් මොනවාද යන්න සොයා බැලීමේදී ආර්ථිකමය ගැටලු, සමාජීමය ගැටලු, උපන් ජන්ම කේන්ද්‍රවල ග්‍රහයන්ගේ විපාකදීම්, දෙදෙනා අතර ඇතිවෙන අනවබෝධය, සැකය, විශ්වාසය පලුදුවීම යන කරුණු නිසා තමන්ගේ යුග දිවිය දෙදරා යන අවස්ථාවන් දැකිය හැක. ඒ වගේම පියවි ඇසට පෙනෙන පියවි ඇසට දර්ශනය නොවන ආකාරයට පදිංචි නිවාසවල ඇතිවන වාස්තු දෝෂ ද අඹු – සැමි ආරවුල්වලට හේතු වේ. බොහෝදෙනෙකු නොසිතන බොහෝදෙනෙකු උනන්දුවක් නොදක්වන එම වාස්තු දෝෂයන්ගේ ප්‍රබල බලපෑම නිවසක අඹු සැමියන් අතර සතුට – සමගිය, දෙදෙනා අතර ගැළපීම් නොගැළපීම් බවට පත් කිරීමට හේතුවක් වනු ඇත. මෙම ලිපියේ සඳහන් කරන බොහෝ කරුණු වාස්තු පරික්‍ෂාවලදී මා හට සත්‍ය වශයෙන්ම හඳුනාගැනීමට හැකි වූ පොදු කරුණු වශයෙන්ම මාගේ නිවස පරීක්‍ෂාවන් හිදී පරීක්‍ෂාවට ලක්ව පසුව ඒවා නිවැරදි කිරීමෙන් පසු සිදුවීමට ගිය විනාශයන් වෙන්වීමට ගිය විවාහයන් යළි එකතු කිරීමට ඒ තුළින් හැකිවීම මා හට කරුණු සාක්‍ෂි සහිතව ඔප්පු කිරීමට හැකියාව පවතී.

නිවසක බ්‍රහ්ම පාදය පීඩාවට පත්වීම නොයෙක් ආකාරවලින් සිදුවිය හැක. එය බිත්තියකට හසුවීම, ඒ මත අධික බරකින් යුක්ත අල්මාරි, කබඩ්, යකඩ භාණ්ඩ පැවතීම, පඩිපෙළට හසුවීමත් කොන්ක්‍රීට් කනුවක් මතට වැටීමත් තුළින් බ්‍රහ්ම පාද ලක්‍ෂ්‍යය තදවීම හිරවීම නිසා එය පීඩාවට පත්වීම නිවසේ අඹු සැමියන් අතර විවාහ දිවියේ ගැටලුවලට ප්‍රධාන හේතුවක් වනු ඇත. එම තත්ත්වය මත ආර්ථිකමය වශයෙන්, සෞඛ්‍යමය වශයෙන් නිවසේ සැමියාට – බිරිඳට ඇතිවන්නා වූ කායික මානසික පීඩාවන් නිසා ඔවුන්ගේ බැඳීම ආදරය නිවසේ පෑළදොරින් එළියට විසිවනු ඇත. සමහර නිවෙස්වල පවතින විවිධ හැඩතල නිවසට අලුතින් පරීක්‍ෂාවකින් තොරව හිතු මතයට එක්කළ කාමර නිසා බ්‍රහ්ම පාද ලක්‍ෂ්‍යය එළියට පතිත වන අවස්ථා ද පවතී. ඒ ආකාරයට එළියට බ්‍රහ්මපාද ලක්‍ෂ්‍යය ක්‍ැබඑරු ඡදසබඑ විසිවීම නිවසේ අඹු සැමියන්ගේ විවාහය ද එළියට විසිකරන තත්ත්වයකට පත්වීමට ඉඩ තිබේ.

මා හට පරීක්‍ෂා කිරීමට ලැබුණු නිවාස බොහෝමයක බ්‍රහ්ම පාද ලක්‍ෂ්‍යය අඹු සැමියන්ගේ නිදන කාමරයට, නිදන ඇඳ යටට පත්වුණ නිවාස හමුවී ඇත. එක්තරා නිවසක එසේ පවතින නිසා මා එම ගෘහ හිමියාට පැවසුවේ මෙය ඉක්මනින් වෙනස් නොකළ හොත් ඔබ දෙපළ ඉක්මනින්ම දික්කසාදවීමට ඉඩ පවතින බවත්ය. ඒ කියනවාත් සමග ඔහු මා පාමුල වැටී හඬමින් පැවසුවේ අවුරුදු ගාණක් ප්‍රේම සබඳතාවයකින් පසුව ඇය හා විවාහ වී ඉතාම ආදරයෙන් සිටි අතර කිසිම හේතුවක් නැතිව ඇය තමාට වෛර කරමින් තරහෙන් පසුවන බවත් කෑම ටික පවා පිළියෙළ කර නොදෙන බවය. ඇයට ඔහුගෙන් දික්කසාද වීමට අවශ්‍ය බව පවසා ඒ සඳහා අවශ්‍ය වන ලිපි ලේඛන පවා පුරවා අත්සන් කොට ඔහුට ලබාදී ඇති බව මට පෙන්වන ලදී. කෙසේ හෝ අවසානයේ මා ඔවුන්ගේ නිදන කාමරයේ නිදන ඇඳ යට පවතින බ්‍රහ්ම පාද ලක්‍ෂ්‍යය නිවසේ සාලයට විතැන් වන ආකාරයට නිවසේ වෙනස්කමක් කරමින් සිදුකර ගැනීමට උපදෙස් ලබාදුන් අතර නිවසේ වර්ගීකරණයේදී එම නිවසේ පැවති ගෘහ පොරොන්දම්වල දෙදෙනාටම එම නිවසේ නැකත පැවතියේ විපත් නැකැතක වූ අතර එයද සම්පත් නැකැතට යෙදෙන ආකාරයට වර්ගඵලය වෙනස් කර දී අවශ්‍ය කටයුතු ඉක්මනින්ම කරන ලෙසට පැවසූ අතර ඔහු විසින් එම සියල්ල සිදුකර මාසයක් ගතවීමට පෙර එම යුවල මා මුණගැසීමට පැමිණි අතර ඔවුන් පැවසුවේ එම නිවසේ වෙනස් කිරීම්වලින් පසුව දෙදෙනා පෙර පැවතියාටත් වඩා හොඳින් ආදරයෙන් ගතකරන බවත් අර දික්කසාද පත්‍රිකා දෙදෙනා එක්වී ගිනි තැබූ බවත්ය.

මෑතකදීත් ඒ හා සමාන තවත් නිවසක් පරීක්‍ෂාව ලැබුණ අතර නමුත් එවිට ප්‍රමාද වී ඇත. මක්නිසාද ඒ වන විටත් ඔවුන් දික්කසාදවීමට නඩු දමා උසාවිත් ගොස් අවසන් වී ඇත. බිරිඳට හිමි නිවසක ජීවත්ව සිටි එම දෙදෙනා වෙන්ව සැමියා තමන්ගේ දෙමාපියන්ගේ නිවසේ ජීවත් වේ.

බ්‍රහ්මපාදය, බ්‍රහ්මපාද ලක්‍ෂ්‍යය, බ්‍රහ්මපාද ලක්‍ෂ්‍යය හරහා දිවෙන විකිරණ හා මධ්‍ය රේඛාවන්ද යම් නිවසක අඹු සැමියන්ගේ නිදන කාමරයට පතිතවීම ඔවුන්ගේ කායික මෙන්ම මානසිකවද ඔවුන්ව දුර්වල කිරීමට හේතු වනු ඇත. (එම රේඛාවන් නිදන කාමරයේ දොරෙන් ඇතුළට ගමන් කිරීම) ඒ වගේම අඹු සැමියන් ජීවත්වන නිවසේ ගෘහ පොරොන්දම් වලින් අත්‍යවශ්‍යම පොරොන්දමක් වන නිවාස නැකත පොරොන්දම දෙදෙනාටම ශුභාකාරයට සීහුම් නොවීම නිසා දෙදෙනා අතර ගැටුම්, දරුපල අහිමිවීම්, එකිනෙකා අතර පවතින අන්‍යොන්‍ය අවබෝධය පහව යයි. ඒ නිසා නිවාස නැකත දෙදෙනාටම ගැළපෙන ආකාරයට ක්‍ෂේම සාධක, සම්පත්, මෛත්‍රි, පරම මෛත්‍රි නැකැතකට සීහුම් විය යුතු අතර එය කිසිම විටෙක ජන්ම විපත් ප්‍රත්‍යාරි යන අශුභ නැකැත්වලට සම්බන්ධ නොවිය යුතුයි.

අලුත විවාහ පත්වූ යුවලක් තම පදිංචි නිවසේ ඊශාන දිසා කාමරය කිසිම විටෙක තම නිදන කාමරය වශයෙන් තෝරා නොගත යුතුයි.

මා දන්නා හිතවතෙක් සිටියා ඔහු මෑතකදී විවාහයට පත් අයෙක්. විවාහය උත්සවයටත් මා සහභාගි වුණා. විවාහයෙන් අවුරුද්දක් පමණ වන විට මොහු නිතරම කලකිරුනු ස්වභාවයෙන් කල්පනා කරමින් නිතර සිටියේ. හමු වූ දිනකත් කතාකරනවාට වඩා ඔහු කල්පනා කරනවා හැරෙන්න කතාව අඩුයි. පස්සෙ පස්සෙ ගෙදර යෑමත් එපා වෙලා වගේ තැන් තැන්වල රෑ වෙනතුරු කල්ගත කෙරුවා. පොඩ්ඩ පොඩ්ඩ බොන්නත් යොමු වුණා. බිරිඳත් නිතර රණ්ඩු කරමින් ඇගේ ගෙදර යනවා. තවත් ටික දවසක් යන විට මාගේ හිතවතා සේවය කරන ආයතනයේ ගැහැනු කෙනෙක් සමග හිතවත්කමක් පටන් අරන් නිතර නිතර එහෙ යන්න එන්න ගත්තා. මාත් ඒකට ඔහුට අවවාද කළා. දිනක් ඔහුව මුණගැසීමට අවශ්‍යවෙලා ඔහුගේ නිවස අසල මාර්ගයෙන් යද්දි මම ඔහුගේ නිවසට ගියෙමි. නිවසේ දොරවල් වසා තිබුණ නිසා මම ගිය මෝටර් රථයේ නළාව ශබ්ද කරද්දී ඉදිරිපස කාමරයේ දොර ඇර ඔහු ඇස්වල කබ කඩමින් පැමිණියාය. එම නිවසේ ඉදිරිපස කාමරය පැවතුනේ ඊශාන දිශාව තුළයි. මොකද මම එය නිවැරදිව දන්නේ එම නිවසේ සැලසුම මා විසින් ඇඳ දී තිබුණ හෙයිනි.

ඔයාලා දෙන්නා ඔය කාමරයේද නිදාගන්නේ” මං ඇසීය.

“ඔව්. එළියෙන් දොර තියෙන නිසා අපි මේකේ තමයි නිදියන්නේ. මොකද එහෙම අහන්නේ? ඔහු ප්‍රකාශ කරන ලදී.

ඇයි ගොනෝ මේක ඊශාන කාමරය. ඔබලාට නිදාගන්න හොඳ නෑනේ. අදම මේක වෙනස් කරපං දැන්ම.”

ඔහුගේ පූර්ව කුසලයකට එදින මං එම නිවසට නොයන්න අද වනවිට ඔවුන් දෙදෙනා දික්කසාද වීමත් ඔහු බේබද්දකු වීමත් නවතා දැමීමට නොහැකි වනු ඇත. ඔවුන් අද ඉතා සතුටින් දරුවකුද ලැබී ආදරයෙන් ජීවත් වන අතර එම ඊශාන කාමරයේ නිදා සිටි කාලය දෙදෙනාගේම අවාසනාවන්ත කාලයක් බව අදටත් සිහිකරයි. ඊශාන දිශාවට නිදන කාමරය පවත්වාගෙන යන බොහෝ අඹුසැමියන් නොයෙක් ගැටලු පීඩා විදින අතර මතගැටුම් අනියම් සබඳතා කෙරෙහි යොමුවීම සිදුවේ.

නිවසක ප්‍රධාන දොර ගෘහ හිමියාගේ විවාහය කෙරෙහි ගොඩාක්ම බලපාන සාධකයකි. ප්‍රධාන දොර එළියට ලම්බවීම නිසා එළිය දෙසට ඇදවීම නිසා එම නිවසේ ගෘහ හිමියාගේ විවාහය දෙදරීමට ලක්ව වෙනත් බිරිඳක් සමග වෙනත් නිවාසයක කල්ගෙවීමට සිදුවේ. ඒ වගේම ප්‍රධාන ද්වාරය වේද දෝෂයන්ට ලක්වීම නිසාද අඹුසැමි ආරවුල් ඇරඹේ. එම වේද දෝෂයන් අතර ප්‍රධාන දොරට ඍජුව වෘක්‍ෂයක් පැවතීම වෘක්‍ෂවේද දෝෂයද, ප්‍රධාන දොරට ඍජුව ළිඳ පිහිටීම කූපවේද දෝෂයද, ප්‍රධාන දොරට ඍජුව වැටෙන ආකාරයට එළියේ තබන පහන් පැලේ ආලෝකය පතිතවීම දේවතා වේද දෝෂයද, ඒ වගේම ගණිකා වේද දෝෂය, මාර්ග වේද දෝෂය, කර්දම වේද දෝෂය, වර්චස්ථාන වේද දෝෂය, රාජ වේද දෝෂය, තිරස්චිත වේද දෝෂය යන වේද දෝෂවලට ලක්වීම නිවසේ අඹු සැමි ආරවුල් ඇතිවීමට හේතු වේ. ඒ වගේ ගිනිකොන දිශාවේ කාමරයේ නිදාගැනීම විශේෂයෙන් ගිනිකොන දිශාවේ කාමරය ප්‍රධාන නිදන කාමරය වශයෙන් යොදා ගැනීම, ගිනිකොන දිශාව අවහිර වීම කෙටිවීම, ගෙයි ගිනිකොන බිත්ති කෝණය භූමියේ පිහිටි තාප්පයට, වැටට එක එල්ලේ වැටීම, නිරිත දිශාවේ ප්‍රධාන නිදන කාමරය නොතිබීම, නිරිත දිශාව අත්තිවාරමෙන් ශුන්‍යවීම, නිරිත දිශාවේ මුළුතැන්ගෙය පැවතීම, ළිඳ පැවතීම ඇතුළු නිරිත දිශාව අවහිරවීම්, අඹු සැමි සමඟිය කෙරෙහිත් විවාහය කෙරෙහිත් දරු උපත් කෙරෙහිත් ඍජුවම බලපායි. මෙයට අමතරව භූමියේ හැඩය, නිවසේ හැඩය, වහලය ඇතුළු බොහෝ වාස්තු දෝෂ නිසා අඹු සැමි ආරවුල්, අනියම් සබඳතා, දික්කසාද වීම් සැමියා – බිරිඳ නයි මුගටින් ලෙස හැසිරීම, මරණයට පත් කිරීම් ආදී දේ සිදුවීමටත් තමන්ගේ ගෘහය අවසානයේ විනාශයට පත්වීමත් සිදුවනු ඇත.

යුග දිවිය වනසන නිවසේ දෝෂ

දේශබන්ධු, දේශමාන්‍ය, විශ්වශක්ති, වාස්තු විiා විශාරද,
ඩබ්. කේ. ඒ. එම්. චන්ද්‍රසිරි,
සෙන්දිරියාමුල්ල – සඳලංකාව.
0777856649.

advertistmentadvertistment
advertistmentadvertistment