හවුති සංවිධානය විසින් පාලනය කරනු ලබන යේමනයේ රතු මුහුදේ වෙරළ තීරයේ පිහිටි ප්‍රධාන තෙල් පර්යන්තයකට එල්ල කරන ලද ඇමරිකානු ගුවන් ප්‍රහාරවලින් අවම වශයෙන් පුද්ගලයින් 74 දෙනෙකු මිය ගොස් තවත් 171 දෙනෙකු තුවාල ලබා ඇති බව ඉරාන හිතවාදී හුති සාමාජිකයින් පාලනය කරන සෞඛ්‍ය අමාත්‍යාංශය පවසයි.
ඉරානයේ සහාය ලබන හුති කණ්ඩායම සඳහා ඉන්ධන සපයන මෙම ප්‍රභවය ඉවත් කිරීමට සහ ඔවුන්ට නීති විරෝධී ආදායම අහිමි කිරීමට රාස් ඊසා විනාශ කළ බව ඇමරිකාව කියයි.
වයඹදිග යේමනයේ හුති කණ්ඩායම පැවසුවේ මෙම තෙල් පර්යන්තය සිවිල් පහසුකමක් බවත් එම ප්‍රහාර “යුද අපරාධයක්” බවත්ය.
ගාසා යුද්ධයට සම්බන්ධ රතු මුහුදේ නැව් ගමනාගමනයට සහ ඊශ්‍රායලයට එල්ල කරන ලද හවුති ප්‍රහාරවලට ප්‍රතිචාර වශයෙන් පසුගිය මාසයේ ඇමරිකාව බෝම්බ හෙළීමේ ක්‍රියාමාර්ගය තීව්‍ර කිරීමට ජනාධිපති ඩොනල්ඩ් ට්‍රම්ප් නියෝග කිරීමෙන් පසු සිදු වූ මාරාන්තිකම ප්‍රහාරය මෙය විය.
