නවසීලන්ත ක්‍රිකට් කණ්ඩායමේ දඟ පන්දු පුහුණුකරු ලෙස හිටපු ශ්රී ලංකා දඟපන්දු යවන ක්‍රීඩක රංගන හේරත් තෝරාගෙන තිබේ.
නවසීලන්තය විසින් ඉදිරියේ දී ඇෆ්ගනිස්තානය සහ ශ්රී ලංකාව සමග ටෙස්ට් තරග තුනක් ක්‍රීඩා කිරීමට පැමිණීමට නියමිත අතර, මෙම තරගාවලි දෙකක් සඳහා රංගන හේරත්ව දඟ පන්දු පුහුණුකරු ලෙස තෝරාගෙන ඇති බවට වාර්තා වේ.
නවසීලන්තය පළමුව ඇෆ්ගනිස්තානය සමග ඉන්දියාවේ ටෙස්ට් තරගයක් ක්‍රීඩා කිරීමට නියමිත අතර, ඉන් පසුව තවත් ටෙස්ට් තරග දෙකක් සඳහා ශ්රී ලංකාවට පැමිණීමට නියමිතයි.
එම තරගාවලිය එළඹෙන 18 වැනිදා ආරම්භ වීමට නියමිතව ඇති.
ශ්රී ලංකාව වෙනුවෙන් ටෙස්ට් කඩුලු 433ක් දවා ගනිමින් විශිෂ්ට දස්කම් පෑ හේරත්, ලොව මෙතෙක් බිහි වූ විශිෂ්ටතම වමත් දඟ පන්දු යවන්නකු ලෙස හඳුන්වීමට හැකි අතර ඔහු මීට පෙර වසර දෙකක කාලයක් බංග්ලාදේශ දඟ පන්දු පුහුණුකරු ලෙස ද කටයුතු කළහ. මීට පෙර නවසීලන්තයේ දඟ පන්දු පුහුණුකරු වූ සක්ලීන් මුස්ටාක් සිය ධුරයෙන් පසුගියදා ඉවත්විය.
සිසිර ජයසූරිය
