රට වටා ගෑස් පිපිරීම් 20 ක්: ගෑස් පිපිරීම් ගැන සති දෙකක් තුළ වාර්තාවක් දෙන්න – ජනපති කමිටුවට උපදෙස් දෙයි

165

දිවයිනේ විවිධ ප‍්‍රදේශවලින් මෑතක සිට වාර්තා වන ගෘහස්ථ, වෙළෙඳ හා විකුණුම් මධ්‍යස්ථානවල ගෑස් සිලින්ඩර් ආශ‍්‍රිත ගිනි ගැනීම්, පුපුරායෑම් හා ඒ සඳහා හේතු සාධක සොයා බලා ඒ පිළිබඳ කඩිනමින් ගත හැකි විසඳුම් ඉදිරිපත් කිරීමට ජනාධිපති ගෝඨාභය රාජපක්ෂ මහතා විසින් ඊයේ (30දා) මොරටුව විශ්වවිද්‍යාලයේ මහාචාර්ය ශාන්ත වල්පොළ මහතාගේ සභාපතිත්වයෙන් යුතු කමිටුවක් පත් කරනු ලැබීය.

මෙම කමිටුවේ සෙසු සාමාජිකයන් ලෙස ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්, මොරටුව විශ්වවිද්‍යාලයේ මහාචාර්ය අජිත් ද අල්විස්, ශ‍්‍රී ජයවර්ධනපුර විශ්වවිද්‍යාලයේ මහාචාර්ය ඩබ්.ඞී.ඩබ්. ජයතිලක, මහාචාර්ය ප‍්‍රදීප් ජයවීර, ශ‍්‍රී ලංකා නව නිපැයුම්කරුවන්ගේ කොමිසමේ කොමසාරිස් මහාචාර්ය නාරායන් සිරිමුතු, කාර්මික තාක්ෂණ ආයතනයේ අතිරේක අධ්‍යක්ෂ ජනරාල් ආචාර්ය සුදර්ශන සෝමසිරි, ශ‍්‍රී ලංකා ප‍්‍රමිති ආයතනයේ ජ්‍යෙෂ්ඨ නියෝජ්‍ය අධ්‍යක්ෂ සුජීව මහගම යන මහත්වරු කටයුතු කරති.

අවශ්‍ය සියලූ පාර්ශ්වයන්ගේ හා දැනට ඇති අධ්‍යයනයන් හා විවිධ අදහස් විමර්ශනය කර සති දෙකක් ඇතුළත වාර්තාව ලබා දෙන ලෙස ජනාධිපතිවරයා කමිටුවට උපදෙස් දී තිබේ.

උපාලි ද සේරම්, සිරිමන්ත රත්නසේකර

advertistmentadvertistment
advertistmentadvertistment