ලබන වසරේ (2024) පළමු පාසල් වාරය ආරම්භ වීමට පෙර පාසල් පෙළපොත් සිසුන් අතට පත් කරන බව අධ්‍යාපන ඇමැති සුසිල් ප්‍රේමජයන්ත මහතා පැවසීය.
2024 වර්ෂයේදී පාසල් නිල ඇඳුම් හා දිවා ආහාරය ද නිසි කලට ප්‍රමාණවත් පරිදි ලබාදීමට කටයුතු කරන බවත්, 2024 වසරට අදාළ විෂය නිර්දේශය ද ආවරණය කර කොවිඩ් සමයේ මඟහැරුණු අධ්‍යයන කටයුතු යථා තත්ත්වයට පත් කරන බවත් අධ්‍යාපන ප්‍රකාශන දෙපාර්තමේන්තුවේ හෝමාගම පිටිපන ප්‍රධාන ගබඩාවේ සිට ප්‍රාදේශීය මධ්‍යස්ථානවලට පෙළපොත් බෙදාහැරීමේ අවස්ථාවට එක්වෙමින් ඇමැතිවරයා පැවසීය.
චමින්ද සිල්වා
