නවතම අයි.සී.සී. විස්සයි-20 පන්දු යවන්නන්ගේ ශ්රේණිගත කිරීම්වලට අනුව වනිඳු හසරංග එක් ස්ථානයක් පසුබසිමින් 4වන ස්ථානයට පත්ව තිබේ.
එමෙන්ම නවතම අයි.සී.සී. විස්සයි-20 තුන් ඉරියව් ක්රීඩකයන්ගේ ශ්රේණිගත කිරීම්වලද වනිඳු ස්ථාන 2ක් පසුපසට යමින් බංග්ලාදේශයේ ෂකීබ් අල් හසන් සමග 3 වන ස්ථානයේ රැඳී සිටී.
වනිඳු මීට පෙර තුන් ඉරියව් ක්රීඩකයන්ගේ ශ්රේණිගත කිරීම්වලට අනුව පළමු වැනි ස්ථානයේ පසුවිය.
මේ අතර නවතම අයි.සී.සී. විස්සයි-20 පිතිකරුවන්ගේ ශ්රේණිගත කිරීම්හි පැතුම් නිස්සංක ස්ථාන 11ක් ඉදිරියට පැමිණීම කැපී පෙනේ.
ඒ අනුව පැතුම් නිස්සංක පිතිකරුවන්ගේ ශ්රේණිගත කිරීම්හි 15 වැනි ස්ථානයේ මේ වන විට රැඳී සිටින අතර එම ස්ථානයේ එංගලන්ත ක්රීඩක ජොනී බෙයාස්ට්රෝ සහ දකුණු අප්රිකානු ක්රීඩක රීසා හෙන්ද්රික්ස් සමතැන් ගෙන රැඳී සිටීම විශේෂත්වයකි.
එමෙන්ම 21 වන ස්ථානයේ පසුවූ කුසල් මෙන්ඩිස් ද ස්ථාන දෙකක් ඉදිරියට පැමිණ 19 වන ස්ථානයට පැමිණීමට සමත්වී ඇත.
සිසිර ඉන්ද්රජිත්
සංස්කරණය – සුසිල් ජයකොඩි
