වාද්දුව වේරගම ප්‍රදේශයේ සැමියෙකු විසින් සිය බිරිඳගේ ගෙල තියුණු ආය්ධයකින් කපා ඝාතනය කර ඇතැයි පොලිසිය සඳහන් කරයි.
මෙලෙස ඝාතනය කර ඇත්තේ වාද්දුව වේරගම පදිංචිව සිටි ඉෂාර නිශාදිනී සල්ගාදු නම් 29 හැවිරිදි තිදරු මවකි.
ඇයට මාස 6ක් සහ අවුරුදු 03ක මෙන්ම අවුරුදු 6ක දරුවන් තිදෙනෙකුද සිටින බවද පොලීසිය පවසයි.
ඝාතනය සම්බන්ධයෙන් 37 හැවිරිදි ඇගේ සැමියා අත්අඩංගුවට ගෙන ඇත. ඝාතනය සඳහා යොදා ගත් තියුණු ආයුධයද පොලීසිය විසින් සොයාගෙන තිබේ.
ඇති වූ ආරවුලක් මත සැකකරු විසින් මෙම ඝාතනය සිදුකර ඇති බවට පොලිස් පරීක්ෂණවලදී අනාවරණයවී ඇත.
