ශ්‍රී ලංකාවේ සමාජ හා ආර්ථික යටිතල පහසුකම් සංවර්ධන හවුල්කරුවකු ලෙස සෞදි අරාබිය

149

(මෙම ලිපිය පළවන්නේ සෞදි අරාබියේ 93 වැනි ජාතික දිනය නිමිත්තෙනි.)

සෞදි අරාබිය යනු මැද පෙරදිග බලගතු ප්‍රමුඛ රටක් වන අතර ලෝක බලවතුන් සමඟ පමණක් නොව මුස්ලිම් නොවන සියලුම රටවල් සමඟද සමීප මිත්‍රත්වයක් පවත්වා ගෙන යන රටකි. සෞදි අරාබිය ලෝක රටවල ප්‍රගතිය සඳහා පමණක් නොව ආපදා ඇතුළු හදිසි අවස්ථා වලදී මානුෂීය ආධාර සහ සහයෝගීතාව ලබාදීම අතින් ඉදිරියෙන්ම සිටී.

ඒ ආකාරයට සෞදි අරාබිය තම මිත්‍ර රටක් වන ශ්‍රී ලංකාවේ ප්‍රගතිය සහ සමාජ, ආර්ථික සහ යටිතල පහසුකම් සංවර්ධනය සඳහා ද විවිධ ආකාරයෙන් ආධාර සහ සහයෝගය ලබා දෙන රටකි. මේ සඳහා රියාල් මිලියන ගණනක් වැය කරමින් සිටියි. මේවා දෙරටේ දිගුකාලීන රාජ්‍ය තාන්ත්‍රික මිත්‍රත්වයේ පිළිබිඹුවක් මිස අන් කිසිවක් නොවේ.

විශේෂයෙන්ම ශ්‍රී ලංකාවේ දිගම පාලම වන කින්නියා පාලම ඇතුළු පාලම් කිහිපයක් ඉදිකිරීම, කොළඹ ජාතික රෝහලේ අපස්මාරයට ප්‍රතිකාර කිරීමේ ස්නායු රෝග ඒකකය, මහාමාර්ග සංවර්ධනය, කළුගඟ සංවර්ධන ව්‍යාපෘතිය, කළුගඟ වම් ඉවුර සංවර්ධන ව්‍යාපෘතිය, මාර්ග ජාල සංවර්ධන ව්‍යාපෘතිය, බදුල්ල-සෙන්ගලඩි මාර්ග සංවර්ධන ව්‍යාපෘතිය, වයඹ සබරගමුව විශ්වවිද්‍යාලයේ වෛද්‍ය පීඨය, විශ්වවිද්‍යාල නගර සංවර්ධන ව්‍යාපෘතිය ඇතුළු දැවැන්ත සංවර්ධන ව්‍යාපෘති රැසක් සෞදි අරාබියේ ආධාර මත සිදු කර ඇත.

ඒ අතරම, සෞදි අරාබිය සහ එහි සමාගම් මේ රටේ දුප්පත් සහ අඩු ආදායම්ලාභී ජනතාවගේ අවශ්‍යතා සඳහා ප්‍රමුඛත්වය දෙන විවිධ වැඩසටහන් ඉදිරියට ගෙන යාමට අමතක නොකළේය. ඒ අතර නොමිලේ අක්ෂි ප්‍රතිකාර කඳවුරක් පසුගියදා සංවිධානය කර තිබුණි. උතුරු සහ දකුණු පළාත්වල ජනතාව සඳහා ප්‍රතිකාර කඳවුරක් වලස්මුල්ලේදී ද, නැගෙනහිර, උතුරුමැද, මධ්‍යම, උතුරුමැද සහ ඌව පළාත්වල ජනතාව සඳහා වූ කඳවුරක් කාතන්කුඩියේදී ද පැවැත්විණි.

ශුද්ධ වූ ස්ථාන දෙකක භාරකාරත්වය දරණ සල්මාන් බින් අබ්දුල් අසීස් රජුගේ සහ අගමැති මුහම්මද් බින් සල්මාන් කුමරුගේ උපදෙස් හා මඟපෙන්වීම යටතේ සැප්තැම්බර් 4 සිට 17 දක්වා සෘජු අධීක්ෂණය යටතේි‘කිං සල්මාන්’ මානුෂීය ආධාර සහ සහන මධ්‍යස්ථානය හරහා මෙහෙයුම සිදු කරන ලදී. සෞදි අරාබියේ සෞදි අරාබි තානාපති කාලිද් බින් හමූද් අල්-කහ්තානී මහතාගේ ප්‍රධානත්වයෙන් අක්ෂි විශේෂඥ වෛද්‍යවරුන්, වෛද්‍යවරුන්, තාක්ෂණවේදීන් ඇතුළු පිරිසකට මෙම ප්‍රතිකාර කඳවුර සඳහා ආරාධනා කර තිබුණි.

මෙම අක්ෂි ප්‍රතිකාර කඳවුර හරහා ඇස් පෙනීමේ දුර්වලතා තුරන් කිරීම සඳහා ඇසේ සුද ඉවත් කිරීමේ ශල්‍යකර්ම ඇතුළු අක්ෂි පරීක්ෂාව, ඇස් කණ්නාඩි ලබා දීම සිදු කරන ලදී. වලස්මුල්ල ප්‍රදේශයේ පැවති අක්ෂි ප්‍රතිකාර කඳවුරෙහි පුද්ගලයින් 3500 දෙනෙකු වෛද්‍ය පරීක්ෂාවට ලක් කර ඇති අතර පුද්ගලයින් 1050 දෙනෙකුට ඇස් කණ්නාඩි ලබා දී ඇත.

ඒ අතරම, සෞදි අරාබිය ද සෑම වසරකම මෙරටට රට ඉඳි ටොන් සිය ගණනක් ලබා දෙන අතර ඒවා රාමසාන් සමයේදී මුස්ලිම්වරුන්ට නොමිලේ බෙදා හරිනු ලැබේ. එමෙන්ම විවිධ ක්ෂේත්‍රවල සේවය කළ ශ්‍රී ලාංකිකයන් ලක්ෂ එකහමාරකට වැඩි පිරිසකට සෞදි අරාබිය අවස්ථා ලබාදී තිබේ. මේ ආකාරයට සෞදි අරාබියේ ප්‍රමුඛ පෙළේ විශ්වවිද්‍යාලවල උසස් අධ්‍යාපනය හැදෑරීමට ශ්‍රී ලාංකිකයන්ට ශිෂ්‍යත්ව ලබා දෙන අතර ශ්‍රී ලංකාවේ විශ්වවිද්‍යාල වෛද්‍ය, ඉංජිනේරු, දන්ත වෛද්‍ය වැනි විශේෂිත ක්ෂේත්‍රවල උපාධි හදාරන සිසුන්ට ශිෂ්‍යත්ව ද පිරිනමයි.

2004 දී ශ්‍රී ලංකාව සුනාමි ව්‍යසනයට මුහුණ දුන් අවස්ථාවේදී සෞදි අරාබිය තම රතුසඳ (red crescent) සාමාජිකයින්ට මාස කිහිපයක් මෙහි රැඳී සිට සේවය කිරීමටත් විපතට පත් ජනතාවට කඩිනම් සහන සැලසීමට කටයුතු කළේය. ඒ සමඟම නිවාස යෝජනා ක්‍රමය ද ඇති කළේය.

ශ්‍රී ලංකාවේ ලක්ෂ ගණනක ජනතාවකට සෞදි අරාබියේ රැකියා අවස්ථා ලබා දී ඇත. එමෙන්ම අධිවේගී මාර්ග ඉදිකිරීම, විශ්ව විද්‍යාල ස්ථාපිත කිරීම, රෝහල් සඳහා විශේෂිත තාක්ෂණික ගොඩනැගිලි ඉදිකර දීම, අවශ්‍ය දිගු පාලම් ඉදිකර දීම, සුනාමියෙන් විපතට පත් ජනතාව සඳහා නවීන නිවාස ඉදිකර දී ඔවුනට අවශ්‍ය හදිසි ආධාර ලබා දීම, විශේෂයෙන් පාස්කු ප්‍රහාරයෙන් විපතට පත් ජනතාවට මානුෂීය උපකාර පිරිනැමීම යනාදී මානුෂීය උපකාර රාශියක් සිදු කර තිබීම කැපී පෙනෙන අතර එය ඉතා සාදරයෙන් පිළිගත යුතු ප්‍රශංසනීය කටයුත්තකි. අල්ලාහ් ඔවුන්හට ආශීර්වාද කරත්වා!ශ්‍රී ලංකාවේ ලක්ෂ ගණනක ජනතාවකට සෞදි අරාබියේ රැකියා අවස්ථා ලබා දී ඇත. එමෙන්ම අධිවේගී මාර්ග ඉදිකිරීම, විශ්ව විද්‍යාල ස්ථාපිත කිරීම, රෝහල් සඳහා විශේෂිත තාක්ෂණික ගොඩනැගිලි ඉදිකර දීම, අවශ්‍ය දිගු පාලම් ඉදිකර දීම, සුනාමියෙන් විපතට පත් ජනතාව සඳහා නවීන නිවාස ඉදිකර දී ඔවුනට අවශ්‍ය හදිසි ආධාර ලබා දීම, විශේෂයෙන් පාස්කු ප්‍රහාරයෙන් විපතට පත් ජනතාවට මානුෂීය උපකාර පිරිනැමීම යනාදී මානුෂීය උපකාර රාශියක් සිදු කර තිබීම කැපී පෙනෙන අතර එය ඉතා සාදරයෙන් පිළිගත යුතු ප්‍රශංසනීය කටයුත්තකි. අල්ලාහ් ඔවුන්හට ආශීර්වාද කරත්වා! සෞදි අරාබිය 1995 දී කොළඹ සිය තානාපති කාර්යාලය විවෘත කළේ දෙරට අතර දිගුකාලීන මිත්‍රත්වය මත ය. මේ හරහා දෙරට අතර මිත්‍රත්වය ශක්තිමත් විය. ශ්‍රී ලංකාවේ සමාජ, ආර්ථික සහ යටිතල පහසුකම් සංවර්ධනයට නොයෙක් ආකාරයෙන් දායක වූ සෞදි අරාබිය ජාත්‍යන්තර මට්ටමින් ශ්‍රී ලංකාව සමඟ සමගියෙන් සහ සහයෝගයෙන් කටයුතු කරන රටකි. විශේෂයෙන්ම ජිනීවා මානව හිමිකම් කවුන්සිලයේ සැසිවාරයේදී ශ්‍රී ලංකාවට එරෙහිව ගෙන ආ යෝජනාවලට එරෙහිව සෞදි අරාබිය 2011 වසරේ සිට ශ්‍රී ලංකාවට සහාය පළ කළේය. සෞදි අරාබිය තම මිත්‍ර ඇමරිකාව ගෙන ආ යෝජනාවට ඇමරිකාවට වඩා ශ්‍රී ලංකාවට සහය දැක්වීම විශේෂත්වයකි.

සෞදි අරාබිය ශ්‍රී ලංකාවට ලබා දෙන සහයෝගය සහ උපකාර පිළිබඳව මෙරට ජනතාව කෘතඥතාව පළ කරන අතර අගය කරති.

එවැනි වාතාවරණයක් තුළ සෞදි අරාබිය ශ්‍රී ලංකාව සමඟ චීන රාජ්‍ය තාන්ත්‍රික සබඳතා තවදුරටත් ශක්තිමත් කර පුළුල් කිරීමේ වැඩසටහන් ඉදිරියට ගෙන ගොස් ඇත. සල්මාන් බින් අබ්දුල් අසීස් රජුගේ සහ අගමැති කුමරු මුහම්මද් බින් සල්මාන්ගේ උපදෙස් පරිදි මෙරට සෞදි අරාබි තානාපති කාලිද් බින් හමූද් අල්-කහ්තානී විසින් අදාළ ක්‍රියාමාර්ග ගෙන ඇත. එබැවින් තානාපති අල් කහ්තානිගේ ශ්‍රී ලංකාවේ ධුර කාලය ශ්‍රී ලංකා – සෞදි මිත්‍රත්ව රාජ්‍යතාන්ත්‍රික සබඳතාවේ සන්ධිස්ථානයක් වනු ඇති බව බොහෝ දෙනාගේ පිළිගැනීමයි.

ශ්‍රී ලංකාවේ සමාජ හා ආර්ථික යටිතල පහසුකම් සංවර්ධන හවුල්කරුවකු ලෙස සෞදි අරාබිය

මව්ලවි එම්. එච්. ෂේයිහුද්දීන් මදනි (BA)
අධ්‍යක්ෂ, අල් හික්මා සුබසාධක සංගමය.
කොළඹ.

advertistmentadvertistment
advertistmentadvertistment