ෂකීබ් ඔස්ටේ‍්‍රලියාව දණ ගස්වයි

283

ඔස්ටේ‍්‍රලියාවට එරෙහිව පැවැති පන්දුවාර 20-20 තරගාවලිය 4-1 ක් ලෙස ජය ගැනීමට සත්කාරක බංග්ලාදේශ කණ්ඩායම පෙරේදා (9 දා* සමත් විය.

 දෙරට අතර පැවැති අවසන් තරගයේදී ඔස්ටේ‍්‍රලියාවේ සියලූ දෙනා පන්දුවාර 13 යි පන්දු 4 කදී ලකුණු 62 කට දැවී ගිය අතර එය ඔස්ටේ‍්‍රලියා කණ්ඩායමක් පන්දුවාර 20 තරගවලදී දැවී ගිය අඩුම ලකුණු සංඛ්‍යාව විය.

 තරග 5 කින් යුත් තරගාවලියේ පළමු තරග 3 ජය ගැනීමත් සමග තරගාවලියේ ජයග‍්‍රහණය වාර්තා කළ බංග්ලාදේශය, ඔස්ටේ‍්‍රලියාවට එරෙහිව කුමන ආකාරයේ හෝ කි‍්‍රකට් තරග රටාවකදී ලබාගත් පළමු තරගාවලි ජයග‍්‍රහණය වාර්තා කළේය.

 අවසන් තරගයේ කඩුලූ 4 ක්ද සමග එම තරගයේ වීරයා මෙන්ම සමස්ත තරගාවලියේ ලකුණු 114 ක් සහ කඩුලූ 7 ක් ලබාගත් ෂකීබ් අල් හසන් තරගාවලියේ වීරයා බවටද පත්වූයේය.

 කෙසේ වෙතත් මෙම තරගාවලියට ඔස්ටේ‍්‍රලියා කණ්ඩායමේ ප‍්‍රබල කී‍්‍රඩකයන් වන නායක එරොන් ප‍්‍රින්ච්, ඬේවිඞ් වෝනර් සහ මිචෙල් ස්ටාර්ක් යන කී‍්‍රඩකයෝ සහභාගි නොවූහ.

advertistmentadvertistment