ප්රධාන විහිද යෑමේදී එම රේඛාව අතරමඟදී කැඩී ටික දුරක් කිසිම සටහනක් නොමැතිව හිස් වෙන්නට හැර එසේ තිබියදී නැවත රේඛාව විහිද යයි. එබඳු අවස්ථාවක කැඩුණු රේඛා දෙක ස්පර්ශ වනසේ ඒ මැදින් කොටු සලකුණක් පිහිටීමෙන් ප්රධාන රේඛාව කැඩීමෙන් ඇතිවන අශුභ විපාක මඟ හැරේ. ජීවන රේඛාව එසේ වූ විට මරණය සහිත රෝගවලින් ද ශීර්ෂ රේඛාවෙන් නම් මානසික ආබාධවලින් ද රවි රේඛාවේ නම් කීර්තිය හා ධන හානිවලින් ද දෛව රේඛාවේ නම් ආපදා ධන හානි ආදියෙන් ද අත්හිමියාට ආරක්ෂාව සැලසේ.
හස්ත රේඛා විද්යාව අනුව අත්ලක් පරීක්ෂා කිරීමේදී ප්රධාන වශයෙන් අත්ලේ පිහිටි රේඛාවල ස්වභාවය හා මණ්ඩලවල ප්රබලතා හා දුබලතා අනුව පලාපල කීමට හස්ත රේඛා ශාස්ත්රඥයා පියවර ගනී. මේ අතර අත්ල සියුම්ව පරීක්ෂා කිරීමේදී අත්ලේ යම් යම් ස්ථානවල විශේෂ සලකුණු ද පිහිටා තිබෙනු දැකිය හැක. ඒ තුළින් පුද්ගලයාට ලැබෙන විශේෂ සුබ අසුබ ඵල සාමුද්රක විද්යාවේ සඳහන් වෙයි. මේ එවැනි විශේෂ සලකුණු කීපයක් ගැනයි.
- ත්රිශූලය
ත්රිශූලය කියන්නේ උල් තුනකින් සෑදුණු ලකුණකට බව අංක 1 රූප සටහනින් ඔබට පැහැදිලි වනු ඇත. කිසියම් රේඛාවක මුල හෝ අග ත්රිශූලයක ලකුණක් වැටී ඇත්නම් එම රේඛාවෙන් උත්පාදනය වන බල ශක්තිය තුන් ගුණයකින් වැඩිවෙන බව හස්ත රේඛා විද්යාවේ නිගමනයයි. මණ්ඩල මත ස්වාධීනව දිස්වෙන ත්රිශූල ලකුණ ගුරු මණ්ඩලය මත වැටී ඇත්නම් ඔහු හෝ ඇය ධනවත් වන බවට සලකුණකි. දැඩි ආගමික භක්තියක් ඇති අයගේ ශනි මණ්ඩලය මත ත්රිශූල ලකුණ විiමාන වන අතර ප්රසිද්ධ පුද්ගලයන්ගේ රවි මණ්ඩලයෙහි බොහෝ විට එවැනි ලකුණ දිස්වෙයි. බුධ මණ්ඩලය මත ත්රිශූල ලකුණක් තිබීම ව්යාපාර කටයුතුවලින් වඩා දියුණු විය හැකි අතර චන්ද්ර මණ්ඩලයෙහි පිහිටන ත්රිශූල ලකුණින් ප්රකාශ වන්නේ ඔහු හෝ ඇය ගුප්ත විද්යාවන් කෙරෙහි සහජ දක්ෂතා ඇති අයකු බවයි. කුජ මණ්ඩලය මත පිහිටන ත්රිශූලයෙන් අභීත පුද්ගලයකු මූර්තිමත් වෙයි.
- කාක පාදය
මෙම සලකුණ ඉතාම අශුභ පිහිටීමකි. ත්රිශූලයේ උල් තුන පහළට හැරී තිබුණොත් එය හඳුන්වනුයේ කාක පාදය ලෙසයි. 2 වැනි අංකයෙන් කාක පාදයේ සාමාන්ය පිහිටීම දැන් බලන්න. කාගේ හෝ අතක කාක පාදයක ලකුණක් ඇත්නම් ඔහු හෝ ඇය කරන කියන හැම දෙයක්ම අසාර්ථක වන බව කිව හැකියි.
- මත්ස්ය සලකුණ
රූප සටහනේ 3 වැනි කොටුව දැන් බලන්න. එයට තමයි මත්ස්ය ලකුණ කියල කියන්නෙ. මත්ස්ය (මාළු) ලකුණ මණ්ඩල මත වගේම රේඛා ආශ්රිතවත් පිහිටිය හැක. රේඛා බණ්ඩි ගැසීමෙන් බොහෝ විට එම ලකුණ පිහිටන බව කිව යුතුයි. මත්ස්ය ලකුණ ඉතාමත් සුබ ඵලදෙන පිහිටීමක්. අනේකවිධ භවභෝග සම්පත් ලැබීමට ද එය හේතුවක් වෙයි.
- ස්වස්තිකය
අප භාග්යමත් බුදු පියාණන් වහන්සේගේ ශ්රී හස්ත ගතවත්, ශ්රී පාද ගතවත් විiමානවූ ස්වස්ත්රික සලකුණ මහා මංගල ලක්ෂණයක් බවයි. භාරත හස්ත රේඛා ශාස්ත්රයෙහි සඳහන් වන්නේ පුරාණ ග්රීක ජනතාවත් එය උත්තම ලක්ෂණයක් වශයෙන් පිළිගත් බව ඓතිහාසික මුලාශ්ර මගින් පැහැදිලි වෙයි. මොනයම් ක්රමයකින් හෝ උත්තරීතර භාවයට පත්වෙන පුද්ගලයෙක් ස්වස්ත්රික ලකුණින් හඳුන්වා දෙයි. 4 වැනි කොටුවෙන් එම සලකුණ හඳුනා ගන්න.
- යව සලකුණ
යව සලකුණ කියන්නේ වී ඇටයකට සමාන හැඩරුව ඇති සලකුණකින් එය සංකේතවත් කරයි. මෙය බොහෝ විට ඇඟිලිවලත් ඇඟිලි පුරුක් අතරත් පිහිටිය හැක. වී හැඩයක හැඩයෙන් මහපටඟිල්ලේ මැද පුරුකේ පිහිටන එම ලකුණේ සාමාන්ය පිහිටීම 5 වැනි කොටුවෙන් දැක්වේ. පෙර අත්භවයන්හිදී කරන ලද නොමඳ පින්බල ඇති වාසනාවන්තයන්ගේ අත්වල පිහිටන ලකුණක් වශයෙන් එය විග්රහ කළ හැක. රජයේ උසස් නිලධාරීන්, දේශපාලකයන්, ව්යාපාරිකයන් වැනි අයගේ අත්වල බොහෝවිට යව සලකුණ පිහිටිය හැක. යව සලකුණ ඇති අයට කවදාවත්ම අග හිඟයක් නම් ඇති නොවේ.
- කතිර සලකුණ
මෙම සලකුණ අත්ලේ පැහැදිලිව සටහන්වීම බොහෝ විට විපත්ති දායකවේ. සුබ ඵලයක් ඇතිවන්නේ කලාතුරකිනි. කතිර සලකුණ වඩාත්ම සුබ ඵල ගෙන දෙන්නේ ගුරු මණ්ඩලයටයි. වෙනත් රේඛා එක්වීමක් නොමැතිව හුදෙකලාව කතිර සලකුණක් ගුරු මණ්ඩලයේ පිහිටියේ නම් එය වාසනාවන්ත විවාහ දිවියකට හේතුවේ. සිදුවන කාලය කතිරය පිහිටි ස්ථානය අනුව නිගමනය කළ යුතුය. ජීවන රේඛාව පටන්ගැන්ම අසල නම් අවුරුදු විස්සට නුදුරුව ද මණ්ඩලය මැද නම් මැදි වයසේදී සිදුවේ.
දෛව රේඛාව ස්පර්ශ කරමින් ශනි මණ්ඩලයේ නම් ජීවිත හානි ද මැදඟිල්ලේ නිය සහිත පුරුකේ නම් දරුපල හීනවීම ද රවි මණ්ඩලයේ නම් ධන හානි ද බලාපොරොත්තු කඩවීම් ද බුධ මණ්ඩලය යට පිහිටි කුජ මණ්ඩලයේ නම් දරුණු තුවාල ඇතිවීමට ද චන්ද්ර මණ්ඩලයේ නම් දියේ ගිලීමෙන් සිදුවන අනතුරු ද පෙන්නුම් කරයි.
චතුරස්ර හෙවත් කොටු සලකුණු
මෙය අනතුරු විපත් ආදියෙන් ආරක්ෂා කිරීමේ සලකුණක් ලෙස සැලකේ. කිසියම් රේඛාවක හෝ මණ්ඩලයක අනිෂ්ට ඵල ප්රකට කෙරෙන ස්ථානයක කොටු සලකුණ තිබීමෙන් එමගින් ලැබිය හැකි උවදුරුවලින් ආරක්ෂා වෙයි. ඇතැම් විට ප්රධාන විහිද යෑමේදී එම රේඛාව අතරමඟදී කැඩී ටික දුරක් කිසිම සටහනක් නොමැතිව හිස් වෙන්නට හැර එසේ තිබියදී නැවත රේඛාව විහිද යයි. එබඳු අවස්ථාවක කැඩුණු රේඛා දෙක ස්පර්ශ වනසේ ඒ මැදින් කොටු සලකුණක් පිහිටීමෙන් ප්රධාන රේඛාව කැඩීමෙන් ඇතිවන අශුභ විපාක මඟ හැරේ. ජීවන රේඛාව එසේ වූ විට මරණය සහිත රෝගවලින් ද ශීර්ෂ රේඛාවෙන් නම් මානසික ආබාධවලින් ද රවි රේඛාවේ නම් කීර්තිය හා ධන හානිවලින් ද දෛව රේඛාවේ නම් ආපදා ධන හානි ආදියෙන් ද අත්හිමියාට ආරක්ෂාව සැලසේ.
හිඹුටානේ පියතිලක ද අල්විස්
158, හිඹුටාන, මුල්ලේරියාව, නව නගරය
0112419574, 0716212020
