අපි ජනතාවට හුස්මක් දෙන එක සමහරුන්ට විහිළුවක් වෙලා – විපක්ෂ නායක සජිත් ප්‍රේමදාස

82

තමන් මිනිස්සුන්ට හුස්ම ගන්න උදව් කරන එක, මිනිසුන්ගේ හුස්ම හිරකරන කල්ලිවලට විහිළුවක් වෙන්න පුළුවන් වුවද, තමන් කිසි විටෙකත් ඒවායෙන් අධෛර්යයට පත් නොවන බවත්, සම්ප්‍රදායික විපක්ෂයක භූමිකාවෙන් මිදී රටට අගයක් එකතු කිරීම නොපිරිහෙලා ඉටුකරන බවත් විපක්ෂ නායක සජිත් ප්‍රේමදාස මහතා පැවසීය.

පාසල්වලට බස් දෙනකොට සමහරු හිනහා වෙන බවත්, පාසල්වලට පරිගණක විද්‍යාගාර දෙනකොට සමහරු හිනහා වෙන බවත් පැවසූ විපක්ෂ නායකතුමා මේ රටේ රෝහල් පද්ධතියට හුස්ම හරහා උදව් කරනකොටත් සමහරු හිනාවෙන බව කීය.

සොරුන්ට මල්මාලා දාන රටක, දේශපාලන ඩීල් කාරයින්ට පූජාසන හදන රටක, වේදිකාවල අනෙක් අයව විවේචනය කර කර පුරාජේරු කයිවාරු කාරයින්ට අත්පොළසන් දෙන රටක තමන් කරන සමාජ සත්කාරවලටත් හිනාවෙන සමහරු ඉන්න එක පුදුමයක් නොවන බවද විපක්ෂ නායකතුමා පැවසීය. නමුත් තමන්ට හිනාවෙන සමහරුම තමන් විසින් රෝහල් පද්ධතියට පරිත්‍යාග කරන මෙවලම්වලින් කවදහරි හුස්ම ගනු ඇති බවත්, තමන්ට හිනාවෙන සමහරුන්ගෙ දරුවෝ තමන් පරිත්‍යාග කරන බස් රථවල නැගිලා සමහරවිට පාසල් යනු ඇති බවත් පැවසූ විපක්ෂ නායකතුමා,

මේ ගැරහුම් අවමාන අවලාද තමන්ට හොඳට පුරුදු බවද කීය. සමගි ජන බලවේගයෙන් හුස්මක් 54 හා 55 අදියර යටතේ රු. 7,800,000 වටිනා රෝහල් උපකරණ ත්‍රිකුණාමලය රෝහලට සහ මඩකලපුව රෝහලට පරිත්‍යාග කිරීම විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් අද සිදුවූ අතර එම අවස්ථාවට එක්වෙමින් විපක්ෂ නායකතුමා මේ බව පැවසීය.

ත්‍රිකුණාමලය – සමන් මල්ලවආරච්චි

advertistmentadvertistment
advertistmentadvertistment