අභියාචනාධිකරණ නව විනිසුරුවරයෙකු ලෙස විකුම් අතුල කළුආරච්චි මහතා අද පෙරවරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්නේය.
අභියාචනාධිකරණ විනිසුරු දේවිකා අබේරත්න මහත්මිය විශ්රාම යාමෙන් පුරප්පාඩු වූ තනතුර සඳහා මෙම පත් කිරීම සිදු කර තිබේ.
කොළඹ රාජකීය විද්යාලයේ ආදි ශිෂ්යයෙකු වන ඒ මහතා කොළඹ නීති විද්යාලයෙන් අධ්යාපනය හදාරා නීතිඥ වෘත්තියට පිවිසියේය.