ජාත්යන්තර මූල්ය අරමුදලෙන් ණය ලබා ගැනීම සඳහා රටේ ජනතාව වෙත ආණ්ඩුව එල්ල කරන පීඩනය පිළිගත නොහැකි බව විපක්ෂයේ ප්රධාන සංවිධායක ලක්ෂ්මන් කිරිඇල්ල මහතා ‘දිවයින ඉරිදා සංග්රහය’ට පැවසීය.
ඒ අනුව එම අරමුදලෙන් ණය ලබා ගැනීම පිළිබඳව ලබන 26,27,28 යන දිනවල පැවැත්වෙන පාර්ලිමේන්තු විවාදයේදී වෙනස් මතයක් ඉදිරිපත් කරන බව ද හෙතෙම සඳහන් කළේය.
එම අරමුදල විසින් මෙරටට ණය දීම සඳහා පනවා ඇති අධික බදු බර, විදුලි බිල ඉහළ දැමීම, රාජ්ය ආයතන විකිණීම ආදී කරුණුවලට සමගි ජනබලවේගය විරුද්ධ බව ද මැතිවරණ නොපැවැත්වීම, නීතියේ උත්තරීතරභාවය නොතැකීම වැනි ආණ්ඩුවේ ක්රියා මාර්ගවලට ද එරෙහි වන බව ද ඒ මහතා කීවේය.
එම කරුණුවලට එරෙහිව පාර්ලිමේන්තු විවාදයේදී අදහස් දක්වන බව ද ඔහු කීවේය. එහිදී පවත්වනු ලබන ඡන්ද විමසීම සම්බන්ධයෙන් මෙතෙක් තීරණය කර නොමැති බව ද විපක්ෂයේ ප්රධාන සංවිධායකවරයා වැඩිදුරටත් පැවසීය.
අකිත පෙරේරා