රටේ ඉන්ධන අර්බුදයක් පැවතුණත් 1990 සුවසැරිය ගිලන් රථ සේවාව මගින් පැය 24 පුරා සිදුකරන රෝගී සත්කාරක සේවා කටයුතු පවත්වාගෙන යෑමට කිසිදු බාධාවක් මතු වී නැතැයි එහි ප්රධාන විධායක නිලධාරි ෂෙහාන් ද සිල්වා මහතා ‘දිවයින’ට ඊයේ (18 වැනිදා) පැවසීය.
ඉන්ධන ලබා ගැනීමට යෑමේදී සිපෙට්කෝ හා අයි. ඕ. සී. ඉන්ධන පිරවුම්හල්වලින් මේ වනවිට උපරිම සහයෝගය ලැබෙන බව ද හෙතෙම කීය.
සුවසැරිය ගිලන් රථ දිවයින පුරා 297ක් ඇතැයි ද ඔහු සඳහන් කළේය.
ඉන්ධන අර්බුදයක් රටේ පැවතුණ ද මහමඟ අනතුරුවලට ලක්වූවන්, නිවසේදී රෝගාතුර වූවන් හා තවත් විවිධ
රෝගාබාධවලට ලක්වූවන් කඩිනමින් රෝහල්ගත කිරීමට උපරිමයෙන් සුවසැරිය ගිලන් රථ සේවාව කටයුතු කරන බව ද ඔහු සඳහන් කළේය.
ප්රදීප් ප්රසන්න සමරකෝන්