උදරාබාධයක් හේතුවෙන් ප‍්‍රතිකාර ලබා ගැනීම සඳහා ශ‍්‍රී ජයවර්ධනපුර මහ රෝහලට පැමිණි පුද්ගලයකුට එම අවස්ථාවේදී සිදුකළ රැුපිඞ් ඇන්ටිජන් පරීක්ෂණයකින් කොවිඞ් වෛරස ආසාදිතව ඇතැයි තහවුරු වීමෙන් අනතුරුව ප‍්‍රතිකාර ලබාදීම සඳහා කෝවිඞ් ප‍්‍රතිකාර වාට්ටුවට ඇතුළත් කර වැඩිදුර ප‍්‍රතිකාර ලබාදෙමින් සිටියදී එම රෝහලේ වෛද්‍යවරුන් විසින් ලබා දුන් එන්නතක් විෂ වීමෙන් රෝගීව සිටි පුද්ගලයා මියගියේ යැයි ඔහුගේ පවුලේ ඥාතීන් විසින් මිරිහාන පොලිස් ස්ථානයේ අපරාධ අංශය වෙත පැමිණිල්ලක් සිදුකර ඇත.
මෙසේ මිය ගොස් ඇත්තේ පිළියන්දල, මාවිත්තර, ප‍්‍රදේශයේ පදිංචිව සිටි දෙදරු පියෙක් වන එන්.ජී.සී.කේ. ගමගේ නැමැති (55* වැනි වියේ පසුවූ ව්‍යාපාරිකයෙක් වන බව පොලිසිය පවසයි.
පොලිස් ස්ථානය වෙත ලද පැමිණිල්ලෙන් අනතුරුව මියගිය පුද්ගලයාගේ දේහය පශ්චාත් මරණ පරීක්ෂණයක් සිදුකිරීම සඳහා අංගොඩ අයි ඞී එච් රෝහලේ හදිසි මරණපරීක්ෂකවරයා වෙත යොමුකළ බවත් එම අවස්ථාවේදීප‍්‍රතිකාර සඳහා ලබා දුන් ඖෂධ වර්ගයක් විෂ වීම හේතුවෙන් මෙම මරණය සිදුව ඇති බවට පරීක්ෂණ වාර්තා ලැබී ඇති බවත් පොලිසිය සඳහන් කරයි.
මෙම සිදුවීම පිළිබඳව මියගිය පුද්ගලයාගේ වැඩිමහල් පුතු වන කලන නුවන් හැඬූ කඳුලින් මෙසේ පැවසීය ‘‘පසුගිය 13 වැනිදා රාත‍්‍රියේ තාත්තාට හුස්ම ගන්න අපහසුතාවයක් සහ
ගැස්ට‍්‍රයිටීස් වැඩිවීම නිසා අපි ශ‍්‍රී ජයවර්ධනපුර රෝහල වෙත රැුගෙන ගියා. එතනදී රෝහල් කාර්්‍ය මණ්ඩලය විසින් සිදුකල රැුපිඞ් ඇන්ටිජන් පරීක්ෂණයෙන් තාත්තා කොවිඞ් ආසාදිතයි කියලා හඳුනාගත් නිසා එදින රාත‍්‍රියේම තාත්තාව කොවිඞ් ආසාදිත වාට්ටුවට ඇතුළත් කළා. අවදානමක් අරගෙන තාත්තාට තිබුන ආදරය නිසාම මමත් තාත්තාත් එක්කම රෝහලේ තාත්තාව බලා ගන්න නතර වුනා. පසුව 14, 15, 16 දවස්වල තාත්තා අමාරුවක් නැතිව හොඳ තත්වයෙන් හිටියා. වාට්ටුවේ වෛද්‍යවරයාත් තාත්තාව පරීක්ෂා කරල බලල කිව්වා තාත්තාට සාමාන්‍ය රෝග ලක්ෂණ තමයි තියෙන්නේ කියලා. හැබැයි ඒ අතරතුරත් තාත්තාට ගැස්ට‍්‍රයිටීස් අමාරුව තිබුණා. තාත්තා වකුගඩු රෝගියෙක්, දියවැඩියාව, කොලෙස්ටරෝල් වැනි රෝග තිබුණා. අපි මේ සේරම රෝග ගැන රෝහල් බලධාරීන්, වෛද්‍යවරුන් දැනුවත් කරලා තිබුණේ. තාත්තා බොන බෙහෙත්, පරණ රෝග වාර්තා සියල්ලම වෛද්‍යවරුන්ට අපි ලබා දීලා තිබුනේ. 16 වැනිදා ? තාත්තාට ගැස්ට‍්‍රයිටීස් වැඩි වුනා. මම ඒ ගැන වෛද්‍යවරුන් දැනුවත් කළාම තාත්තාට ඔක්සිජන් ලබා දුන්නා. 17 වැනිදා උදේ වාට්ටු බාර ප්රධාන වෛද්‍යවරයා පැමිණියාම මම ඔහුගෙන් ඉල්ලා සිටියා තාත්තාගේ බඩ පිපිලා වගෙ නිසා බඬේ ස්කෑන් පරීක්ෂණයක් සිදු කරන ලෙසට. නමුත් තාත්තා කොවිඞ් රෝගියෙක් නිසා සාමාන්‍ය රෝගීන් සඳහා භාවිතා කරන යන්ත‍්‍රවලින් පරීක්ෂණ සිදු කිරීමට නොහැකි නිසා ඔහු පැවසුවා අපි බෙහෙත් කරලා බලමු කියලා. පසුව ලේ සහ මූත‍්‍රා පරීක්ෂණ කිහිපයක්ම සිදු කළා. ඒ වගේම එම ප්රධාන වෛද්‍යවරයා මගෙන් ඇහුවා එන්නතක් තියෙනවා ඒක පිටින් ගෙනත් දෙන්න පුලූ‍වන් ද ඒක ලබා දුන්නොත් දින දෙකකින් වගේ මේ ලෙඬේ හොඳ වෙයි කියලා. තාත්තාව සනීප කරගන්න තියෙන අවශ්‍යතාවය නිසාම මම කිව්ව මම දැන් වුණත් ඒක ගෙනත් දෙන්නම් කියලා. එතකොට ඔහු කියුවා මේ බෙහෙත ලංකාවේ ෆාමසිවල නෑ. මම වට්ස් ඇප් අංකයක් දෙන්නම් ඒකට කතා කරලා ගන්න කියලා. පසුව මම ඒකට කතා කරලා බෙහෙත ලියපු කොලේ වට්ස් ඇප් කරාම මට පැය භාගයක් වගේ ඇතුළත රෝහලටම බෙහෙත් ගෙනත් දුන්නා. මම ඒ වෙනුවෙන් රුපියල් 21000/= ගෙවුවා. ඒකේ බිල්පත් සියල්ල මගේ ගාව තියෙනවා. ඒ බෙහෙතේ කුප්පි 6ක් තිබුනා. පසුව එදින සවස සේලයින් බෝතලයක සේලයින් සමග ඒ බෙහෙත් තාත්තාට ලබා දුන්නා. ඒ සේලයින් බෝතලයේ මම මිලදී ගත්ත බෙහෙතේ නම සඳහන් කරලා තිබුනා. ඒ සේලයින් බෝතලේ තාත්තාගේ අතට සම්බන්ද කරලා තිබුණු කට්ටෙන් බිංදු දහයක් ගියේ නෑ තාත්තා දත්මිටි කාගෙන දඟලන්න ගත්තා. එතකොටම ඒ බෙහෙත ලබා දුන්න හෙද නිලධාරිනිය
කෑගැහුවා ‘‘ලෙඩාට දීපු බෙහෙත ඇලජික් වෙලා… ඇලජික් වෙලා…’’ කියලා. මුළු වාට්ටුවම ඒ වෙළේ කලබල වුණා. ඒ වෙලාවේ වෛද්‍යවරියන් දෙදෙනෙකු ඇවිත් තාත්තාව පරීක්ෂා කළා. පසුව ප්රධාන වෛද්‍යවරයාත් ආව. ඔවුන් තාත්තාට හයිප්‍රෙශර් ඔක්සිජන් මාස්ක් එකක් දැම්මා. මම ඒ වෙලාවේ දැක්කා තාත්තාගේ කටින් ලේ ගලනවා. තාත්තා
නැගිටලා දඟලලා මාස්ක් එක අයින් කලා. පස්සේ එයාගේ කටින් රෝස පාටට දියරක් වගේ දෙයක් පිටවුනා. ඒත් එක්කම තාත්තා ඇඳ මතට වැටුනා. එපමණයි සිදුවුණේ. ඉන්පසු වෛද්‍යවරුන් කිව්වා කලබල වෙන්න එපා පොඞ්ඩක් මෙහාට එන්න කියලා ‘‘තාත්තා නැති වෙලා තියෙන්නේ. එයා ගෙනාපු ආයුෂ එච්චරයි…’’ කියලා බෙහෙත විදින්න කලින් හොඳට තාත්තා හිටියා. මේ විදපු බෙහෙත විෂ වෙලා තමයි මගේ රත්තරන් තාත්තා නැතිවුනේ වෛද්‍යවරුන් ඇයි මේ වගේ නොසැලිකිලිමත් අන්දමින් ක‍්‍රියා කරන්නේ කියලා අපේ පවුලෙ හැමෝටම ලොකු සැකයක් පවතිනවා.’’
‘‘අපි මේ පිළිබඳව මිරිහාන පොලිසියේ පැමිණිලලක්ද කළා. මේක රෝහලේ වෛද්‍යවරුන්ගේ වරදක්. දැන් තාත්තා නෑ. අපිට කරුණාකරලා සාධාරණයක් ඉටු කරලා දෙන්න…’’ යැයි මියගිය පුද්ගලයාගේ පුතුනුවන් හැඬූ කඳුළින් පැවසීය.
මෙය කොවිඞ් ආසාදිත මරණයක් හේතුවෙන් දේහය ඥාතීන් වෙත බාරදීම සිදු කර නොතිබූ අතර පරීක්ෂණ කටයුතු අවසන් නොමැති බැවින් දේහය 20 වැනි දින මඩකලපුව ප‍්‍රදේශයේ පිහිටි කෝවිල් රෝගීන්ගේ දේහයන් භූමිදානය කරනු ලබන සුසාන භූමියේදී සිදු කරන බවද පොලිසිය පැවසීය.
සිද්ධිය සම්බන්ධයෙන් වැඩිදුර පරීක්ෂණ නුගේගොඩ කොට්ඨාස බාර භාර ජ්‍යෙෂ්ඨ පොලිස් අධිකාරී චන්දන ලියනගේ මහතාගේ සෘජු අධීක්ෂණය මත මිරිහාන මූලස්ථාන පොලිසියේ මූලස්ථාන ප්රධාන පොලිස් පරීක්ෂක මංජුල තුෂාර මහතා ඇතුළු සුළු
පැමිණිලි අංශයේ නිලධාරීන් විසින් සිදු කරනු ලබයි.
එස්.ඞී. අබේසිංහ – මහරගම
