ලබන සැප්තැම්බර් මාසයේ ජපානයේදී පැවැත්වීමට නියමිත 21 වැනි ආසියානු ජේ්‍යෂ්ඨ පිරිමි වොලිබෝල් ශූරතාවට සුදුසුකම් ලැබීම වෙනුවෙන් උස්බෙකිස්තානය සමග ඊයේ (14 වැනිදා* සුගතදාස ගෘහස්ථ ක‍්‍රීඩාංගණයේ පැවැති තරගයෙන් තරග වට 3-0ක ජයක් වාර්තා කිරීමට ශ්රී ලංකා කණ්ඩායම සමත් විය. ඒ අනුව අදාළ ජයත් සමගින් ආසියානු වොලිබෝල් ශූරතාවලිය සඳහා සුදුසුකම් ලැබීමටත් ශ්රී ලංකා කණ්ඩායම සමත්විය.
තරගයේ පළමු වටයේදී ශ්රී ලංකා කණ්ඩායමට උස්බෙකිස්තානයෙන් අභියෝගයක් එල්ල වුවද, පළමු වටය ලකුණු 25-23කින් ජය ගැනීමට ශ්රී ලංකාවට හැකිවිය. තීරණාත්මක දෙවැනි වටයේදී
ශ්රී ලංකා පිලට පෙර වටයේදී මෙන් උස්බෙකිස්තානයෙන් අභියෝගයක් එල්ල නොවූ අතර එහි ලකුණු දැක්වුණේ 25-13ක් වශයෙනි.
ජයග‍්‍රාහී මානසිකත්වයකින් යුතුව තෙවැනි වටය සඳහා පිවිසි ශ්රී ලංකා කණ්ඩායම එම වටයෙනුත් ලකුණු 25-22කින් ජය ගනිමින් තරග වට 3-0කින් ජයග‍්‍රහණය තහවුරුකර ගත්තේය. ආසියානු ජේ්‍යෂ්ඨ පිරිමි වොලිබෝල් තරගාවලිය ලබන සැප්තැම්බර් මස 12 වැනිදා සිට 19 වැනිදා දක්වා ජපානයේදී පැවැත්වීමට නියමිතව තිබේ.
කසුන් රණවීර
