එක්සත් අරාබි එමීර් රාජ්‍යයේ උතුරු සහ නැගෙනහිර එමිරේට්ස් ප්‍රදේශවලට ඇති වූ ගංවතුර තත්ත්වය හේතුවෙන් ඇති වූ අධික වර්ෂාව හේතුවෙන් ආසියානු සම්භවයක් ඇති පුද්ගලයන් හත් දෙනකු මියගොස් ඇත. එක්සත් අරාබි එමීර් රාජ්‍යයේ අභ්‍යන්තර කටයුතු අමාත්‍යාංශය සිකුරාදා ප්‍රකාශ කළේ රට තුළ මෑතදී ඇති වූ ගංවතුර හේතුවෙන් ආසියාතික ජාතිකයන් හත් දෙනකු මියගොස් ඇති බව ඔබට දැනුම් දීමට අපි කනගාටු වෙමු’ යැයි අභ්‍යන්තර ෆෙඩරල් මධ්‍යම මෙහෙයුම් අමාත්‍යාංශයේ අධ්‍යක්ෂ ජනරාල්
බි්‍රගේඩියර් ජෙනරාල් ආචාර්ය අලි සාලෙම් අල් තුනායිජි මාධ්‍ය වෙත පැවසීය.
විපතට පත් වූවන්ගේ පවුල්වලට අභ්‍යන්තර කටයුතු අමාත්‍යාංශය සිය ශෝකය ප්‍රකාශ කරන බවද සඳහන් කරයි. එක්සත් අරාබි එමීර් රාජ්‍යය වසර 27 කට පසු වැඩිම වර්ෂාපතනයක් වාර්තා කිරීමෙන් පසු ගලවා ගැනීමේ ප්‍රයත්නයන්ට සහාය වීම සඳහා සිය හමුදාව යොදවා ඇත. උතුරු එමිරේට්ස් හි හදිසි ගංවතුරෙන් පුද්ගලයන් 900 ක් පමණ බේරාගෙන ඇති අතර පුද්ගලයන් 3,897 කට වැඩි පිරිසක් ෆුජයිරා සහ සාජාහි තාවකාලික නිවාසවල තබා ඇත.
දින දෙකක නොනවතින වර්ෂාවෙන් පසුව ෆුජයිරා හි වරාය ස්ථානය ජූලි මාසයේදී එක්සත් අරාබි එමීර් රාජ්‍යයේ ඉහළම ජල ප්‍රමාණය මිලිමීටර් 255.2 ක් වාර්තා කළේය. දෙවන ඉහළම අගය මැසාෆි හි වාර්තා වූ අතර එය මිලිමීටර් 209.7 ක් වූ අතර තුන්වන ඉහළම ස්ථානය ෆුජයිරා ගුවන්තොටුපළේ සටහන් වූයේ මිලිමීටර් 187.9 ක වර්ෂාපතනයකි.
