එක්සත් ජාතීන්ගේ ආරක්ෂක කවුන්සිලයේ සභාපති ධුරය රුසියාවට

184

එක්සත් ජාතීන්ගේ ආරක්ෂක කවුන්සිලයේ සභාපති ධුරය රුසියාවට හිමිව තිබේ. ඒ රුසියාවට සභාපති ධුරය ලබානොදෙන ලෙස යුක්‍රේනය එක්සත් ජාතීන්ට බල කරමින් සිටින පසුබිමක ය.

එක්සත් ජාතීන්ගේ ආරක්ෂක කවුන්සිලයේ සාමාජිකත්වය දරන රටවල් 15ට වරින් වර මාසයක කාලයක් සඳහා සභාපති ධුරය හිමි වෙයි.

රුසියාව, යුක්‍රේනය ආක්‍රමණය කළේ රුසියාවට අවසන් වරට මෙහි සභාපති ධුරය හිමිවූ 2022 වසරේ පෙබරවාරි මාසයේදීය.

ඒ අනුව, යුද අපරාධ සිදුකරන බවට චෝදනා එල්ල වී ඇති රටකට මෙලෙස එක්සත් ජාතීන්ගේ ආරක්ෂක කවුන්සිලය මෙහෙයවීමට අවස්ථාව හිමිවීම පිළිබඳව ලෝකයේ දැඩි අවධානයක් යොමුවී තිබේ.

එක්සත් ජාතීන්ට අනුබද්ධිත ආයතනයක් නොවන ජාත්‍යන්තර අපරාධ අධිකරණය, මීට සති කිහිපයකට පෙර රුසියානු ජනාධිපති ව්ලැද්මීර් පුටින් අත්අඩංගුවට ගැනීමේ වරෙන්තුවක් නිකුත් කළේය.

කෙසේ වුවද එක්සත් ජාතීන්ගේ ආරක්ෂක කවුන්සිලයේ නිෂේධ බලය හිමි නිත්‍ය සාමාජිකයකු වන රුසියාවට සභාපති ධුරය ලබා දීම සඳහා එම වරෙන්තුව බාධාවක් නොවන බව විදෙස් මාධ්‍ය වාර්තා කරයි.

advertistmentadvertistment
advertistmentadvertistment