හිමකැට විසිරුණු, සීතලෙන් ඇළලුණු, විනෝද රසාස්වාදය මධ්යයේ එක්සෙල් වර්ල්ඩ් සිය අතිශය ජනප්රිය හිම ලෝකය, ‘ස්නෝ වර්ල්ඩ්’ වසර තුනක විරාමයකින් අනතුරුව පසුගියදා යලි දියත් කරන ලදී.
ඉකුත්දා එක්සෙල් වර්ල්ඩ්හි පැවති මාධ්ය සඳහා සුවිශේෂී වූ දියත් කිරීමේ උත්සවයේදී අයිස් කැටවලින් පිරුණු මෙම හිම අවකාශය ජනතාව වෙත විවෘත කෙරුනේ උත්තර ධ්රැවයේ නත්තල් සීයාගේ සංචාර සිහිපත් කරවන අත්දැකීමක් ලබාදීම උදෙසා සැකසූ නවාංග රැසක් සමඟිනි.
‘ස්නෝ වර්ල්ඩ්’ නැවත විවෘත කිරීම ප්රධාන අනුග්රාහකයා වන පෙප්සි-කෝ සහ ප්රධාන මාධ්ය අනුග්රාහක වොයිස් ඔෆ් ඒෂියා නෙට්වර්ක්, මාධ්යවේදීන්, එක්සෙල් රෙස්ටුරන්ට්ස් සහ බ්රවුන්ස් සමූහයේ නිලධාරීන්ගේ සහභාගිත්වයෙන් සිදුකරන ලදී.
‘ස්නෝ වර්ල්ඩ්’ හි සුවිශේෂත්වය වන්නේ මින් පෙර කිසිදා හිමේ අත්දැකීමක් නොමැති සියළු වයස් කාණ්ඩවල අමුත්තන්ට හිම මල් පියල්ලෙන් නවමු අත්දැකීමක් ලබා දෙන ශ්රී ලංකාවේ එකම ස්ථානය වීමයි. ‘ස්නෝ වර්ල්ඩ්’ හිම අවකාශය දෙසැම්බර් 13 වැනිදා සිට දෙසැම්බර් 31 දක්වා පස්වරු 5 සිට රාත්රී 10 දක්වා හිමකැට අතර, උත්සව සමයේ විනෝදාස්වාදයක් ලබාදීම සඳහා මහජනතාව වෙනුවෙන් දැන් විවෘතයි. මීට අමතරව, එක්සෙල් වර්ල්ඩ් දෙසැම්බර් මාසය පුරාම මුළු පවුල වෙනුවෙන්ම විශේෂයෙන් නිර්මාණය කර ඇති ක්රීඩා සහ විනෝදාස්වාදයන්ගෙන් සමන්විත උත්සව සැණකෙලියක්ද සංවිධාන කරයි.