අත්අඩංගුවේ සිටින ත‍්‍රස්තවාදීන් 70000ක් මුදාහරින්නේ නම් තෙමසක සටන් විරාමයක් කි‍්‍රයාත්මක කරන බව තලිබාන් සංවිධානය ප‍්‍රකාශ කර ඇත. ඇෆ්ගනිස්තානයේ සියයට 85 ක ප‍්‍රදේශය තලිබාන් සංවිධානය යටතේ පවතින බවද එම සංවිධානය හෙළිකර තිබේ. එසේම එක්සත් ජාතීන්ගේ ත‍්‍රස්තවාදී නාමලේඛනයෙන් තලිබාන් සංවිධානය අහෝසි කළ යුතු යැයි ද එකී සංවිධානය ඉල්ලා ඇත.
පසුගිය වසරේදී ඇෆ්ගන් රජය තලිබාන් ත‍්‍රස්තවාදීන් 5000ක් මුදාහැර තිබිණි. මේ අතර තලිබාන් ත‍්‍රස්තයන් කාබුල් අගනුවරට ඒම ව්‍යර්ථ කිරීම සඳහා ඇෆ්ගන් හමුදාව දැඩි උත්සාහයක නිරත වී සිටිති.
