මධ්‍යම කඳුකරයේ ජල විදුලි බලාගාර ජලාශවලට මාසයකට ආසන්න කාලයක් තිස්සේ පවතින දැඩි වියළි කාලගුණික තත්ත්වයත් සමග ලක්ෂපාන ජල විදුලිබලාගාර සංකීර්ණයට අයත් මාවුස්සාකැලේ හා කාසල්රි යන ප‍්‍රධාන ජලාශවල ජල මට්ටම සීඝ‍්‍රයෙන් පහත බැස ඇත.
ලක්ෂපාන, නව ලක්ෂපාන, පොල්පිටිය, කැනියොන් හා විමලසුරේන්ද්‍ර යන විදුලි බලාගාර 05 ක් සඳහා ප‍්‍රධාන වශයෙන් ජලය සැපයෙන්නේ මාවුස්සාකැලේ හා කාසල්රි යන ජලාශ දෙකෙනි.
අක්කර අඩි 95400 ක වපසරියකින් යුත් මස්කෙළිය, මාවුස්සාකැලේ ජලාශයේ ජල මට්ටම ඊයේ (23 දා* වන විට පිටාර මට්ටමේ සිට අඩි 40 ක් පහත බැස ඇති බව එම ජලාශය භාර ඉංජිනේරුවෝ ප‍්‍රකාශ කළා.
මාවුස්සාකැලේ ජලාශයේ ජල මට්ටම පහත බැසීමත් සමග පැරණි මස්කෙළිය නඟරයේ ජලයට යටවී තිබූ ශ්රී කදිරේෂන් හින්දු කෝවිලේ කොටසක් මේ දිනවල දැකගත හැකිය.
මස්කෙළිය – ගාමිණී බණ්ඩාර ඉලංගන්තිලක
