උතුරු පළාතේ සියලුම පාසල් හා පෞද්ගලික උපකාරක පන්ති දෙමව්පියන්ගේ හා උතුරු පළාත් ආණ්ඩුකාර කාර්යාලයේ සහාය මත දැඩි පරීක්ෂාවකට ලක්කරන බව උතුරු පළාත භාර නියෝජ්‍ය පොලිස්පති ප්‍රියන්ත වීරසූරිය මහතා පෙරේදා (06 දා) පැවසීය.
යාපනයේදී විවිධ මත්ද්‍රව්‍ය ළඟ තබාගත් පුද්ගලයන් කීප දෙනකුම අත්අඩංගුවට පත්වීමත්, යාපනය හා කිළිනොච්චි පළාත්වල පාසල් තුළට සිසුන් විසින් මත්ද්‍රව්‍ය රැගෙන එන ලද බවට තොරතුරු හෙළිවීමත් සමගම නියෝජ්‍ය පොලිස්පතිවරයා මෙම තීරණය ගෙන තිබේ.
මත්ද්‍රව්‍ය ගැටලුව පොලිසියට පමණක් තනිවම විසඳිය නොහැකි නිසා ඊට උතුරු පළාතේ ස්වෙච්ඡා සංවිධානවල හා දෙමව්පියන්ගේ සහායද නියෝජ්‍ය පොලිස්පතිවරයා විසින් ඉල්ලා ඇත.
දිනසේන රතුගමගේ
