ප‍්‍රදීප් ප‍්‍රසන්න සමරකෝන්
පවතින කොවිඞ් 19 වසංගත තත්ත්වය හේතුවෙන් දැනට තාවකාලිකව වසා දමා ඇති දෙහිවල ජාතික සත්වෝද්‍යානයේ සතුන් කීපදෙනකු පැටවුන් බිහිකර අතැයි එහි ප‍්‍රකාශකයෙක් ‘දිවයින’ට ඊයේ (17 දා* පැවසීය.
ඒ අනුව සුදු මොනරුන් පැටවුන් දෙදෙනකු ද, සීබ‍්‍රා පැටවෙක් ද, කළු හංසයා පැටවුන් පස්දෙනකු ද, සෙන්ට් හෝම්ස් ඔරිටස් ගවයා පැටවෙක් ද, නිල් මාල ගිරවා පැටවුන් දෙදෙනෙක් ද, ලයරු ගිරවා පැටවුන් තුන්දෙනෙක් ද බිහි කර ඇතැයි හෙතෙම කීය. පවතින සංචරණ සීමා හේතුවෙන් දෙහිවල ජාතික සත්වෝද්‍යානයට නරඹන්නන් නොපැමිණෙන නිසා සත්වෝද්‍යානයේ සතුන් බොහොම නිදහසේ කාලය ගෙවමින් සිටින බව ද හේ කියා සිටියේය. සතුන්ට අවශ්‍ය ආහාර පාන දවසේ තුන් වතාවක් ලබාදෙන බවත්, ඔවුන්ගේ සෞඛ්‍ය තත්ත්වය ගැන ද පශු වෛද්‍යවරුන් නිතර සෙවිල්ලෙන් සිටින බවත් හෙතෙම වැඩිදුරටත් කීය.
