පළාත් පොලිස් සේවාවක් ස්ථාපිත කිරීමට වහාම ක්‍රියාකරන ලෙස සහ තවත් ඉල්ලීම් පහක් ඉටුකරන ලෙසත් ද්‍රවිඩ සන්ධානය රජය වෙත තව කරුණු ඉදිරිපත් කරමින් ඉල්ලා ඇත.
ද්‍රවිඩ සන්ධාන නායක ආර්. සම්බන්දන් මහතාගේ නිවසේ පැවති සාකච්ඡාවේදී මෙම නව ඉල්ලීම් ප්‍රකාශයට පත් වී තිබේ.
ජාතික ප්‍රවාහන කොමිසම් පනත, කෘෂිකාර්මික පනත, දිවි නැගුම පනත යන පනත් ප්‍රතිශෝධනය කරන ලෙස ද ජාතික පාසල් අහෝසි කරන ලෙස ද ද්‍රවිඩ සන්ධානය තවදුරටත් දක්වා තිබේ.
පළාත් පොලිස් සේවාවක් ස්ථාපිත කරන ලෙස ද්‍රවිඩ සන්ධානය රජයෙන් ඉල්ලා ඇත්තේ උතුරු නැගෙනහිරට මධ්‍යම රජයේ මැදිහත්වීමකින් තොරව පොලිස් බලය ලබාගැනීම සඳහායි. පළාත් පොලිස් සේවාව මහ ඇමැති යටතට පැවරෙන නිසා රහස් පොලිසිය, ත්‍රස්ත මර්දන ඒකකය සහ මත්ද්‍රව්‍ය නාශක අංශය වැනි රජයේ ආයතනවලට උතුරු නැගෙනහිර කටයුතුවලට මැදිහත්වීමට නොහැකි වනු ඇත.
කීර්ති වර්ණකුලසූරිය
