පාස්කු ඉරුදින ත්රස්ත ප්රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට පියවර නොගැනීම තුළින් හිටපු ජනාධිපති මෛත්රීපාල සිරිසේන, හිටපු ආරක්ෂක ලේකම් හේමසිරි ප්රනාන්දු , හිටපු පොලිස්පති පූජිත් ජයසුන්දර රාජ්ය බුද්ධි සේවයේ හිටපු ප්රධානී නිලන්ත ජයවර්ධන හිටපු ජාතික බුද්ධි ප්රධානී සිසිර මෙන්ඩිස් මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය තීන්දු කළේය.
ඒ අනුව හිටපු ජනාධිපති මෛත්රීපාල සිරිසේන මහතා විසින් රුපියල් මිලියන 100ක් දල හිටපු පොලිස්පති පූජිත් ජයසුන්දර සහ හිටපු රාජ්ය සේවයේ බුද්ධි ප්රධානී නිලන්ත ජයවර්ධන විසින් රුපියල් මිලියන 75 බැගින් දල හිටපු ආරක්ෂක ලේකම් හේමසිරි ප්රනාන්දු විසින් රුපියල් මිලියන 50ක් දල හිටපු ජාතික බුද්ධි ප්රධානී සිසිර මෙන්ඩිස් මහතා විසින් රුපියල් මිලියන 10ක් ද සිය පුද්ගලික මුදල්වලින් වන්දි වශයෙන් ගෙවිය යුතු බව නියම කර තිබේ.