පිරිමැසුම්දායක විදුලි පරිභෝජනයකට, නවීනත්වයෙන් හා’නිසි ප්‍රමිතියෙන් යුතු සිංගර් ශීතකරණ

110

බලශක්තියෙන් සුරක්ෂිත ශ්‍රී ලංකාවක් කරා යන ගමනේදී ශීතකරණ සඳහා උපරිම බලශක්ති මට්ටමක් හඳුන්වාදීමත් සමඟ මෙරට පාරිභෝගික භාණ්ඩ අලෙවියේ ප්‍රමුඛයා සිංගර් සමාගම එම ප්‍රමිතිය ඉක්මවා යමින් ඉහළ ප්‍රමිතියකින් යුතු සිංගර්/සිසිල් ශීතකරණ පාරිභෝගිකයා වෙත 100%ක්ම පරිසර හිතකාමී මුහුණුවරකින් යුතුව වෙළෙඳපළට යොමු කර තිබේ. සිංගර්/සිසිල් ශීතකරණයේ ඇති සුවිශේෂීතාවය මෙන්ම බලශක්කිය පිරිමසන ශීතකරණයක භාවිතාව කෙබඳුද යන්න පිළිබඳ සිංගර් සමාගමේ කර්මාන්ත ශාලා අධ්‍යක්ෂක කැලු‍ම් කොස්පැලවත්ත මහතා සමඟ සිදු කළ කතාබහකි මේ.

ප්‍රශ්නය – හඳුන්වාදුන් බලශක්ති මට්ටම සිංගර් ශීතකරණ සඳහා ‘බලපාන්නේ කෙසේද?

පිළිතුර – සිංගර් සමාගම ශීතකරණ නිෂ්පාදනය කිරීමට පටන්ගෙන මේ වන විට වසර 36ක් ගතව තිබෙනවා. අපි හැමවිටම හිතන්නේ ශීතකරණ නිෂ්පාදකයන් ලෙස පරිසරයට හිතකාමී ලෙසත් බලශක්තිය සුරක්ෂිතවන ලෙසත් පාරිභෝගිකයා සඳහා ප්‍රමිතිගත ශීතකරණයක් ලබාදීමටයි. මේ වන විට ශ්‍රී ලංකා සුනිත්‍ය බලශක්ති අධිකාරිය විසින් වෙළෙඳපොළේ විකිණිය යුතු ශීතකරණ සඳහා බලශක්ති මට්ටම් කිහිපයක් හඳුන්වාදී තිබෙනවා. ඇත්තෙන්ම ඒ ගැන අපි සතුටු වෙනවා. මොකද දැනටමත් එම බලශක්ති මට්ටමට අනුකූලව තමයි සිංගර් ශීතකරණ නිෂ්පාදනය වීම සිදුවන්නේ. ‘ශ්‍රී ලංකා සුනිත්‍ය බලශක්ති අධිකාරිය හඳුන්වාදුන් මෙම වැඩපිළිවෙළ අනුව වෙළෙඳපොළේ අළෙවි වන සිංගර් ශීතකරණ ප්‍රමිතිය තවදුරටත් තහවුරු වෙනවා. ඒ වගේම සුරක්ෂිත වෙනවා. අනෙක විවිධ මාදිලිවලින් ශීතකරණ නිෂ්පාදනය වන නිසා මෙවැනි ප්‍රමිති මට්ටමකට අපි අනුගත විය යුතුයි. නමුත් මම මෙහිදී සඳහන් කළ යුතුයි ‘සිංගර් ශීතකරණ සඳහා විශේෂයෙන්ම අපිට මේ වෙනුවෙන් අනුගත වෙන්න අවශ්‍ය වුණේ නැහැ. මෙය හඳුන්වාදීමට පෙර සිටම එම ප්‍රමිතියට සහ බලශක්ති මට්ටමට අපි ශීතකරණ නිෂ්පාදනය කළා. ඒ වගේම අපගේ ශීතකරණ කාර්යක්ෂමතාවයෙන්ද ඉහළ මට්ටමක පැවතුණා. දකුණු ආසියානු කලාපයේ පළමුවතාවට R600a ශීතකාරකය පවතින ශීතකරණ වෙළෙපොළට හඳුන්වාදුන්නේ සිංගර් සමාගමයි. මෙය හඳුන්වාදී දැන් වසර 10ක් පමණ වෙනවා. අපේ හඳුන්වාදීමත් සමඟ අනෙක් ශීතකරණ නිෂ්පාදනය හා ආනයනය කරන ආයතනවලටත් මෙම තාක්ෂණයට යන්නට සිදු වුණා. මේ වන විට මාදිලි රැසකින් අප ශිතකරණ වෙළෙඳපොළට හඳුන්වාදීම සිදු කර තිබෙනවා. ඒ අතරින් සිංගර් /සිසිල් මාදිලිය දේශීයව ‘නිෂ්පාදනය කරනු ලබන අතර අනෙකුත් ශිතකරණ මාදිලි ආනයනය කිරීම සිදු කරනවා. මේ වන විට දේශීය වශයෙන් නිෂ්පාදනය කරනු ලබන සිංගර්/සිසිල් ශීතකරණවලට වෙළෙඳ පොළේ විශාල ඉල්ලු‍මක් පවතිනවා.

ප්‍රශ්නය – ‘ශ්‍රී ලංකා සුනිත්‍ය බලශක්ති අධිකාරිය හඳුන්වා දුන් අන්දමට සිංගර් /සිසිල් ශීතකරණ නවීකරණය කිරීම සිදු වුණාද?

පිළිතුර – මෙතන සිද්ධ වුණේ අලු‍තින් විශේෂ නවීකරණයක් සිදු කිරීම නෙවෙයි. අපේ ශීතකරණවල එම ප්‍රමිතීන් මුල සිටම තිබුණා. අපි වෙළෙඳපොළට ගිහිල්ලා අපේ ශීතකරණ ප්‍රමිතියෙන් ඉහළයි කියනවට වඩා සුනිත්‍ය බලශක්ති අධිකාරියෙන් සැකසූ නිර්ණායක යටතේ සිංගර් /සිසිල් ශීතකරණ ප්‍රමිතියෙන් ඉහළ බව නිතැතින්ම ඔප්පු වෙනවා.

ප්‍රශ්නය සිංගර් ශීතකරණවල කාර්යක්ෂමතාවය කෙබඳුද?

පිළිතුර – ඉතාම ඉහළ මට්ටමක පවතිනවා. මෙම ව්‍යාපෘතිය යටතේ සිදුවන මේ ක්‍රියාවලිය ඉතාම හොඳ දෙයක්. සිංගර් /සිසිල් ශීතකරණය ශ්‍රී ලංකා සුනිත්‍ය බලශක්ති අධිකාරිය විසින් වෙළෙඳපොළේ විකිණිය යුතු ශීතකරණ සඳහා නිර්ණය කළ බලශක්ති මට්ටමට වඩා ඉහළින් සිටනවා කියා පවසන්න පුළුවන්. ‘දකුණු ආසියාවේ වඩාත්ම කාර්යක්ෂම ‘සහ බලශක්තිය පිරිමසින ශීතකරණ ලෙස සිංගර්/ සිසිල් ශීතකරණ හඳුන්වන්න පුළුවන්.

ප්‍රශ්නය – සිංගර් /සිසිල් ශීතකරණ මාදිලි ගැන කතා කළොත්?

පිළිතුර – No Frost සහ Direct Cool යන ප්‍රභේද අනුවත් ‘දොර දෙක සහ තනි දොර වශයෙන්ද මෙම සිංගර් /’සිසිල් ශිතකරණ මිලදී ගන්නට පාරිභෝගිකයාට අවස්ථාව පවතිනවා. R600a ශීතකාරක තාක්ෂණයෙන් යුක්ත වන අතර ‘ආහාර නැවුම්ව තබාගැනීම සහ බලශක්තිය, අරපිරිමැස්ම වැනි විශේෂතා රැසක් සිංගර් ශීතකරණයේ පවතිනවා. ඒ වගේම පරිසර උෂ්ණත්ව සෙන්සරය මඟින් ශීතකරණය තබා ඇති කාමරයෙන් පිටත ‘ඇති උෂ්ණත්වයට සමගාමීව ශීතකරණය අභ්‍යන්තර උෂ්ණත්වය ස්වයංක්‍රීයව සකස් වීම ප්‍රමුඛ විශේෂතාවයක්. එමෙන්ම විදුලි බලය අඩු වැඩි වීමකදී ශීතකරණයේ කොම්ප්‍රෙසරයට හානියක් නොවන ආකාරයට ඊට අනුගත වීමේ ස්වයංක්‍රිය ක්‍රමවේදය සහිත ධාරිතා සෙන්සරය මෙන්ම, ශීතකරණයේ දොර විවෘත කිරීමේදී විදුලි බලය වැයවීම වැළැක්වීමේ ක්‍රමවේදය, උෂ්ණත්ව පාලන ක්‍රමවේදයන් ආදී තාක්ෂණික ක්‍රමවේද රැසකින් සිංගර්/ සිසිල් ශීතකරණය සමන්විතයි.

ප්‍රශ්නය – පාරිභෝගිකයෙක් වෙළෙඳපොළන් හොඳම ශීතකරණයක් සොයාගන්නේ කොහොමද?

පිළිතුර – ඒ සඳහා හයිඩ්‍රෝකාබන්- R 600a වැනි ශීතකාරක, ඕසෝන් ස්ථරයට හානි නොකරන තාක්ෂණය භාවිතා කර නිපදවා ඇති ශීතකරණයක් විය යුතුයි. ‘සිංගර්/ සිසිල් ශිතකරණ නිෂ්පාදනය වන්නේ ‘R 600a හොඳම ශීතකාරකය යෙදීමෙනුයි. එලෙස අප භාවිතා කරන R 600a මාදිලියේ ස්වභාවික ශීතකාරක වෙත පාරිභෝගිකයන් වැඩි වශයෙන් නැඹුරුවීමක් දකින්න පුළුවන්.

එනිසා පාරිභෝගිකයන්ට මේ අවස්ථාවේ පැවැසිය යුත්තේ, ඔබට ඇත්තේ ඉපැරණි ශීතකරණයක් නම් නව ශීතකරණයක් මිල දී ගන්නා ලෙසයි. මන්ද එමඟින් මුදල් සහ බලශක්තිය යන සම්පත් දෙකම ඉතිරි වෙන නිසා. සාමාන්‍යයෙන් ශීතකරණය විශාල වන තරමට ඒ සඳහා වැය වන බලශක්තියද වැඩියි.

ශීතකරණයේ දොර නිතර විවෘත නොකිරීමත් එහි ගබඩා කිරීම නුවණැතිව සිදු කිරීමත් වැදගත් වෙනවා.

ප්‍රශ්නය – ශීතකරණයක් පරිහරණය කළ යුතු අන්දම ගැන කතා කළොත්?

පිළිතුර – එය පිළිවෙලට තබාගැනීම ඉතාම වැදගත් වෙනවා. විශේෂයෙන් ආහාර ගබඩා කිරීමේ දී පිළිවෙලකට තැබිය යුතුයි. ඉහලම රාක්කයේ ශීතල ඉවත් කළ යුතු ද්‍රව්‍ය, පිසූ ආහාර සහ පලතුරු ද එළවළු මැද රාක්කයේ ද තැබීම වැදගත්. ‘අනවශ්‍ය ද්‍රව්‍ය ශීතකරණයෙන් ඉවත් කර සතියකට වරක් හෝ ශීතකරණය පිරිසිදු කරන්න. පලතුරු සහ එළවළු වැනි දේ දවසකට අවශ්‍ය ප්‍රමාණය බැගින් භාජන තුළ ගබඩා කළ හැකියි. ‘ දියර වර්ග ශීතකරණයේ තැබීමේ දී හොඳින් වැසීමත් අවශ්‍ය වෙනවා. උණුසුම් ආහාර ශීතකරණයට දැමීමෙන් වළකින්න. ශීතකරණයේ දෙපසින් සහ පිටුපසින් මනා වාතාශ්‍රය ලබා දිය යුතුයි. ශීතකරණය නිසි ස්ථානයේ තැබීම හා පිරිසිදුව තබාගැනීම ඉතාම වැදගත් වෙනවා. විශේෂයෙන්ම බලශක්තිය සුරකින්නට හා කාර්යක්ෂමතාවයෙන් යුතුව ප්‍රමිතිගතව ශීතකරණය භාවිතා කරන්නට නම් මේ කරණු ගැන පාරිභෝගිකයන් සැලකිළිමත්වීම වැදගත් වෙනවා.

සාකච්ඡා කළේ
තුෂාරි නේරංජා වික්‍රමසිංහ

advertistmentadvertistment
advertistmentadvertistment