රට තුළ භාණ්ඩ මිල ඉහළ යෑම, ජනතාව පීඩාවට පත්ව තිබීම, ආණ්ඩුව රට වැරදි ලෙස කලමනාකරණය කිරීම යන චෝදනා නඟමින් සමගි ජන බලවේගය පක්ෂය විසින් ජා-ඇල නගරයේදී උද්ඝෝෂණයක් හා විරෝධතා පෙළපාලියක් පෙරේදා (08 දා) සංවිධානය කර තිබිණි.
විරෝධතා පුවරු, ගිනි පන්දම් අතැතිව සටන් පාඨ කියමින් ජා-ඇල නගරය පුරා පැයකට අධික කාලයක් විරෝධතාකරුවන් ගමන් ගත් අතර ජා-ඇල සමගි ජන බලවේගෙයේ සංවිධායක නීතිවේදී ශිරන්ත අමරසේකර මහතා විසින් මෙම විරෝධතාව සංවිධානය කර තිබිණි.
ජා-ඇල නියෝජ්ය නගරාධිපති රුවින්ද අබේරත්න, ජා-ඇල ප්රාදේශීය සභාවේ හිටපු විපක්ෂ නායක අතුල ජයවර්ධන, ජා-ඇල නගර සභාවේ හිටපු මන්ත්රී තුෂාන්ත පෙරේරා මහතා ඇතුළු පළාත් පාලන මන්ත්රීවරුන් පිරිසක් සමග සමගි ජන බලවේගයේ නියෝජිතයන් මෙම උද්ඝෝෂණයට එක්ව සිටියහ.
කඳාන – රුක්මන් පින්තු