අසේල සම්පත්
බත් පැකට්ටුව, කොත්තුව, ෆයිඩ් රයිස් ඊයේ (05 වැනිදා) මධ්‍යම රාත්‍රියේ සිට සියයට 20 කින් මිල පහත දැමූ බව ආපනශාලා හිමියන්ගේ සංගමයේ සභාපති අසේල සම්පත් මහතා ‘දිවයින’ ට පැවසීය.
මීට අමතරව රුපියල් සියයක්ව පැවැති කිරි තේ කෝප්පයක මිල රුපියල් 10 කින්ද රුපියල් 40 ක්ව පැවැති ප්ලේන්ටියක මිල රුපියල් 10 කින්ද අඩු කළ බව ද හෙතෙම කීය. එලෙස අලෙවි නොකරන ආපනශාලා ඇත්නම් එම ආපනශාලාවල ඡායාරූපයක් ගෙන 0788 – 714126 ට වට්ස්ඇප් කරන ලෙස හෙතෙම පාරිභෝගික ජනතාවගෙන් ඉල්ලා සිටී. නිදියගෙන සිටින පාරිභෝගික අධිකාරිය දැන්වත් අවදිවී ආපනශාලාවලින් මහජනතාවට සහන සලසන්නේද යන්න සොයා බැලිය යුතුව ඇතැයි ද හේ වැඩිදුරටත් කීය.
ප්‍රදීප් ප්‍රසන්න සමරකෝන්
