බැංකු විසින් ශී‍්‍ර ලංකා මහ බැංකුවට විදේශ විනිමය විකිණීමේ අවශ්‍යතාව සියයට 50 සිට සියයට 25 දක්වා අඩුකර ඇතැයි ශී‍්‍ර ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහතා පවසයි.
පසුගිය මාර්තු 21 වැනිදා සිට බලපැවැත්වෙන පරිදි බැංකු විසින් මහ බැංකුවට විදේශ විනිමය විකිණීමේ අවශ්‍යතාව සියයට 25 සිට සියයට 50 දක්වා වැඩි කරනු ලැබිණි.
එම විදේශ විනිමය විකිණීමේ අවශ්‍යතාව ඊයේ (12 දා) සිට නැවත සියයට 50 සිට සියයට 25 දක්වා අඩුකර ඇත.
මේ අනුව බැංකුවලට ඉතිරි වන එම සියයට 25 ක විදේශ විනිමය ප‍්‍රමාණය මහජනතාවගේ සහ වෙනත් අත්‍යවශ්‍ය විදේශ විනිමය අවශ්‍යතා වෙනුවෙන් යොදාගත හැකි බව ද මහ බැංකු අධිපතිවරයා පවසයි.
මේ නිසා අත්‍යවශ්‍ය විදේශ විනිමය අවශ්‍යතා වෙනුවෙන් කළුකඩයට යොමු නොවී බැංකුවලට යොමු වන ලෙස ද මහ බැංකු අධිපතිවරයා ඉල්ලීමක් කරයි.
ශ්‍යාම් නුවන් ගනේවත්ත
