මිස් ටුවරිසම් 2022ට ලොව සුරූපිනියෝ 80ක් ශ්‍රී ලංකාවට ඩයනා කියයි

288

ලෝකයේ රටවල් 80 ක සුරූපිනියන් 80 දෙනකු ශ්‍රී ලංකාවට පැමිණෙන්නට නියමිත බව සංචාරක රාජ්‍ය ඇමැති ඩයනා ගමගේ මහත්මිය ඊයේ (19දා) පැවසුවාය.

 මෙම සුරූපිනියන් සමග මිස් ටුවරිසම් 2022 ගෝලීය සංදර්ශනය මෙහි පැවැත්වෙනු ඇත. මෙම සංදර්ශනය පැවැත්වීමේ ලංසුව ද ශ්‍රී ලංකාව දිනාගෙන තිබේ. මෙම සුරූපිනියන් සති 2 ක කාලයක් මෙරට රැඳී සිටින අතර ඔවුන් මහනුවර, අනුරාධපුරය, පොළොන්නරුව, සීගිරිය, හබරණ, ඇල්ල, ආරුගම්බේ, මිරිස්ස ඇතුළු සංචාරක ව්‍යාපාරය සඳහා වැදගත් ස්ථාන ද නරඹනු ඇති බව එම වැඩසටහනේ ජාතික අධ්‍යක්‍ෂ මලිත් රණසිංහ සහ ප්‍රධාන උපදේශක ආචාර්ය අරෝෂ ප්‍රනාන්දු යන මහත්වරු පවසති.

 මෙම මිස් ටුවරිසම් වර්ල්ඩ් අවසන් මහ තරගය දෙසැම්බර් 8 වැනිදා සිට 21 වැනිදා දක්වා කොළඹදී පැවැත්වෙයි. රට පිළිබඳ ලෝකයේ ප්‍රශංසාව හා සංචාරක ව්‍යාපාරයේ ප්‍රවර්ධනය තකා මෙම වැඩපිළිවෙළ සංචාරක රාජ්‍ය ඇමැතිනි ඩයනා ගමගේ මහත්මියගේ අදහසක් පරිදි ඇගේ මෙහෙයවීමෙන් ක්‍රියාත්මකය.

 මේ සඳහා මිස් ටුවරිසම් වර්ලඩ් ෆයිනල් 2022 හි ගෝලීය අධ්‍යක්‍ෂ ඩේවිඩ් සිං ද දිවයිනට පැමිණෙයි.

 මෙම සුරූපිනියන් 80 දෙනා මෙම සති දෙක තුළ ශ්‍රී ලංකාව පුරා සංචාරය කරන අතරතුර ඡායාරූප සහ අදහස් ඔවුන්ගේ සමාජ මාධ්‍යවල බෙදාගනු ඇත. මෙය මෙම ඩිජිටල් යුගයේ ශ්‍රී ලංකාවේ සංචාරක අලෙවි කිරීමේ ඉතා කාර්යක්‍ෂම පියවරක් වේවි. අවසන් මහා තරගයේදී හොඳම ඡායාරූප 5 ක් තෝරාගෙන ඒ අනුව ත්‍යාග පිරිනැමීමට නියමිත බව ද වෛi අරෝෂ මහතා පැවසීය.

advertistmentadvertistment
advertistmentadvertistment